ისტორიული საკუთრებიდან იურიდიულ სტატუსამდე – “ნენსკრა ჰიდრო“ სვანებს მიწის რეგისტრაციაში ეხმარება

სვანეთში, კერძოდ ჭუბერის თემში, ნენსკრას ხეობის მაღალმთიან სოფლებში, მიწის საკუთრების საკითხი წლების განმავლობაში გადაუჭრელი იყო. თითოეულმა მოსახლემ ზუსტად იცოდა მისი ისტორიული საკუთრება, თუმცა იურიდიული სტატუსი არ ჰქონდათ.

აღნიშნული პრობლემის მოგვარებაში ადგილობრივებს „ნენსკრა ჰიდრო“ ეხმარება, რომელიც ხეობაში უპრეცედენტო პროექტის – ნენსკრას ჰიდრო ელექტრო სადგურის მშენებლობის მოსამზადებელ სამუშაოებს აწარმოებს.


კომპანიამ ადგილობრივი თემის განვითარებისთვის რამდენიმე მიმართულებით აიღო სოციალური პასუხისმგებლობა და ერთ–ერთი და უმნიშვნელოვანესი სწორედ ისტორიულ საკუთრებაში არსებული მიწის ნაკვეთების აზომვითი სამუშაოებია, რასაც ადგილობრივები სრულიად უსასყიდლოდ იღებენ.


რა მნიშვნელობა აქვს აღნიშნულ პროცედურებს ადგილობრივი მოსახლეობის და რა სარგებელს მისცემს მათ საკუთრების იურიდიულ ჩარჩოებში მოქცევა – ამ და სხვა დეტალებზე ,,პირველი" „ნენსკრა ჰიდროს“ მიწაზე უფლების მოპოვებისა და კომპენსაციის ოფიცერს კობა გაგნიძეს ესაუბრა.


– როდის დაიწყეთ ეს პროექტი?


– მიწის რეგისტრაციის მხარდაჭერის პროექტი მარტში დავიწყეთ. ჩვენ ვეხმარებით მოსახლეობას მიწის რეგისტრაციისთვის საკადასტრო-აზომვითი ნახაზის მომზადებაში, რაც ერთ-ერთი აუცილებელი დოკუმენტია იმისთვის, რომ მიწა დაარეგისტრირო. თუმცა, მათ სხვა პროცედურაც აქვთ გასავლელი. მათ უნდა მიმართონ საჯარო რეესტრის ეროვნულ სააგენტოს და მესტიის მუნიციპალიტეტის მერიას, რათა რეგისტრაციის შემდგომი პროცედურები გაიარონ. ჩვენ უკვე ამ პროცესში ჩართულები არ ვართ, ვინაიდან ის საქართველოს კანონმდებლობით დადგენილ პროცედურებს მოიცავს. გარდა საკადასტრო-აზომვითი ნახაზისა, რომელსაც უსასყიდლოდ გადავცემთ მათ, ვუწევთ კონსულტაციას შემდეგი პროცედურების შესახებ. ანუ ვის, როგორ და სად უნდა მიმართონ, რომ მიწა საბოლოოდ დაირეგისტრირონ.


– მიწის რამდენი ნაკვეთია დღეისათვის აზომილი?


– ამ პროექტის ფარგლებში ჩვენ გეგმაში გვაქვს, რომ ორივე ხეობა მოვიცვათ. ანუ მესტიის მუნიციპალიტეტში, ნენსკრასა და ნაკრას ხეობაში ასაზომი მიწის ჯამური რაოდენობა დაახლოებით არის 450 ჰა და მოიცავს 400 საოჯახო მეურნეობას. ჩვენ მათ ყველას გავუწევთ მომსახურეობას, თუ მათი სურვილი იქნება. დღევანდელი მდგომარეობით უკვე აზომილია 115 ჰა მიწის ფართობი, რისთვისაც 200-მდე საკადასტრო-აზომვითი ნახაზი მომზადდა და ეს სერვისი გავუწიეთ 90 საოჯახო მეურნეობას.


– აღნიშნულ მომსახურებას მიწის რეგისტრაციის რეფორმის ფარგლებში უწევთ მოსახლეობას?


– დიახ, მიწის რეგისტრაციის სახელმწიფო პროგრამა გულისხმობს, რომ რა წამს მიწის მესაკუთრე ან პოტენციური მესაკუთრე მიმართავს საჯარო რეესტრს, მესტიის მუნიციპალიტეტში არსებული მიწის აღიარების კომისიას, მათ შეუძლიათ გაიარონ პროცედურები და დაარეგისტრირონ მიწა უფასოდ. სახელმწიფომ უზრუნველჰყო, რომ ეს პროცედურა არის უფასო. თუმცა, საკადასტრო-აზომვითი ნახაზის მომზადების ნაწილი ცოტა გაურკვეველია და რატომ – გამომდინარე რეგიონიდან, მათთვის ძალიან რთულია წვდომა ისეთ კომპანიებზე, რომლებიც ამ დოკუმენტს მოამზადებენ. ეს არის ან ზუგდიდში ან მესტიაში და, შესაბამისად, ზოგიერთი კომპანია ერთი კონკრეტული მესაკუთრის გამო, ვერ უზრუნველყოფს ადგილზე მისვლას. ჩვენ შევქმენით სპეციალური ჯგუფი და იქ ჩავედით. დავდივართ კარდაკარის პრინციპით ოჯახების მიხედვით და ვისაც სურვილი აქვს, ვავსებთ შესაბამის ფორმებს, დგება განრიგი და შემდეგ მივდივართ საველე სამუშაოების შესასრულებლად. გეოდეზისტი ზომავს მიწას, მზადდება ნახაზი, რის შემდეგაც გადავცემთ მესაკუთრეებს.


– რატომ დადგა ამ პროექტის განხორციელების აუცილებლობა?


– ჰესის პროექტის დაწყებას, ბუნებრივია, ესაჭიროება გარკვეული ფართობის მიწის ნაკვეთი და უნდა მოვიპოვოთ მასზე უფლება შესაბამისი კომპენსაციის სანაცვლოდ. ერთ-ერთი მთავარი პრომლება სწორედ ისაა, რომ მოსახლეობას არ აქვს მიწები რეგისტრირებული და შესაბამისად არ ფლობენ საკუთრების დამადასტურებელ დოკუმენტს. ინიციატივა წამოვიდა მათგან, რომ დავხმარებოდით ამ პროცესში. ამ პროექტის ფარგლებში მიწის საკადასტრო-აზომვითი ნახაზის მომზადების ვალდებულება ჩვენ იმ ოჯახებისთვის ავიღეთ, ვინც ნენსკრას პროექტის ზემოქმედების ფარგლებში ხვდებოდნენ. თუმცა, როცა დავინახეთ მათი სოციალური მდგომარეობა, საჭიროება და სურვილი, გადაწყდა, რომ ეს, როგორც ცალკე პროექტი, ისე ჩამოგვეყალიბებინა და ის დღეს უკვე მთელ ხეობაზე ვრცელდება.


– იმ ოჯახებისთვის, ვინც ნენსკრას პროექტის ზემოქმედების ფარგლებში არ ხვდებოდნენ, მიწის რეგისტრაცია ნიშნავს თუ არა ამ მიწების კაპიტალიზაციის ზრდას?


– დიახ, რა თქმა უნდა, ნიშნავს. ამ პროექტის განხორციელების კიდევ სხვა მიზეზებიც არსებობდა, რასაც მინდა ხაზი გავუსვა. გარდა იმისა, რომ მიწების რეგისტრაცია სჭირდებათ, მათ თავისი გარკვეული მიზნებიც ამოძრავებთ. რადგან ამ პროექტით სხვადასხვა სოციალური პროექტი ხორციელდება, მაგალითად როგორიცაა სხვადასხვა სამეურნეო პროცესებში მხარდაჭერა. იმისთვის, რომ მათ რაიმე სახის კომერციული საქმიანობა აწარმოონ, აუცილებელია მიწა რეგისტრირებული იყოს მათ საკუთრებაში. ეს ასევე საჭიროა საფინანსო ინსტიტუტებთან ურთიერთობისას და ა. შ. მიწის რეგისტრაცია მათ მომავალში მისცემს საშუალებას, დაიწყონ სხვადასხვა ტიპის კომერციული საქმიანობა და მიიღონ დამატებითი შემოსავალი.


– როგორია მოსახლეობასთან კომუნიკაციის ფორმები და რამდენად არის მათგან მზაობა?


– კომუნიკაციის მრავალმხრივი ფორმა გვაქვს შერჩეული, იმისთვის რომ უფრო კომფორტული გავხადოთ მათთვის ჩვენთან ურთიერთობა. როდესაც ვიწყებდით, იყო საჯარო განხილვა-კონსულტაცია, სადაც მთელი ხეობის მოსახლეობას მივაწოდეთ ინფორმაცია და დავაგზავნეთ ასევე ტექსტური შეტყობინებები, ისინი პრეზენტაციაზე მოვიწვიეთ. შემდეგ უკვე კარდაკარ დავდიოდით, როცა ჩვენი თანამშრომელი უკვე დამატებით აცნობს ოჯახებს პროექტის შესახებ ინფორმაციას, თუ რა სარგებელი შეიძლება მიიღონ მიწის რეგისტრაციით. ასევე გვაქვსსაინფორმაციო ბროშურები , რომლებზეც ასახულია, თუ რა სერვისს ვთავაზობთ და ა. შ. იმის გამო, რომ მათთვის ერთ-ერთი მნიშვნელოვანი პრობლემის გადაჭრის გზას დავადექით, შემიძლია ვთქვა, რომ საკმაოდ პოზიტიურად არიან განწყობილები.


„ნენსკრა ჰიდროს“ პროექტების ბენეფიციარი


აღნშნული პროექტის ერთ–ერთი ბენეფიციარია 64 წლის ლამარა დევდარიანი, რომელიც სოფელ ზედა მარღის მკვიდრია. მან თავის დროზე სოფელში საკუთარი ძალებით ააშენა დაწყებითი სკოლა, სადაც დღემდე მუშაობს – ლამარა დევდარიანი ზემო მარღში ერთადერთი პედაგოგია და ერთადერთი ბავშვის აღზრდითაა დაკავებული.


„მიწის აზომვებისა და დასაკუთრების პროექტი ძალიან დამეხმარა. მიუხედავად იმისა, რომ ამდენი ხანია აქ ვცხოვრობ, არქივში რომ მივედი, გამქრალი იყო ჩემი საბუთები და უამრავი რამე სჭირდებოდა რეგისტრაციას, სასამართლოები და ასე შემდეგ. ეს პროექტი ძალიან დამეხმარა, აღიარებითში გამიშვეს, გამიკეთეს ნახაზი. ფართობი 4 000 კვადრატულ მეტრზე მეტია. ჩემი მშობლების აქ ცხოვრობენ, მერე გადასულები ვიყავით აფხაზეთში და ომის დროს ისევ უკან მოვბრუნდით“, – მოგვითხრობს ლამარა დევდერიანი.


ჩვენს კითხვაზე, თუ რას სარგებელს მიიღებს მიწის რეგისტრაციით, პროექტის ბენეფიციარმა აღნიშნა: „მე მშვენიერი ყანა მაქვს, ყველაფერი მომყავს აქ. შემიძლია გავყიდო კიდეც მოსავალი, 2 ძროხა მყავს და ყველაფერი მაქვს საკმარისი. ახლა უძრავი ქონება მაქვს და შემიძლია სესხი ავიღო, სათბურებს ჩავდგამ, ვფიქრობ კიდეც ამის გაკეთებას. ამიტომ, თუ დარეგისტრირებული არ მაქვს მიწა ,არაფერს არ მაძლევენ. ვერც გავწევრიანდები ვერსად, ვერც კოოპერატივებში. ამიტომ მიწის რეგისტრაციას სასიცოცხლო მნიშვნელობა აქვს ყველასთვის და ყველა მადლიერია ამის გამო. თითქმის ყველამ ისარგებლა ამ პროგრამით, ცოტაა დარჩენილი და ისინიც დაირეგისტრირებენ მიწებს. აქ ძალიან დიდი პოტენციალია ტურიზმისთვის, სერფინგისთვის არაჩვეულებრივი პირობებია. ზამთარში აქედან სოფელ ლარილარამდე სრიალებენ ბიჭები“.


თუმცა, პრობლემები ამ მაღალმთიან სოფელში კიდევ რჩება და მათი ერთბაშად აღმოფხვრა, რთული რელიეფისა და ბუნებრივი პროცესების გამო, პრაქტიკულად შეუძლებელია. სოფელში, სადაც ზამთარში თოვლის საფარის სიმაღლე ხშირად 3 მეტრს აღწევს, მოსაწესრიგებელია გზა და განსაახლებელია ელექტროგამანაწილებელი ქსელები. თუმცა, ამ შემთხვევაშიც, ადგიოლობრივები დიდ იმედებს სწორედ „ნენსკრა ჰიდროზე“ ამყარებენ, კომპანიაზე, რომელიც კიდევ რამდენიმე მიმართულების სოციალურ პროექტებს და მასშტაბურ ინფრასტრუქტურულ პროექტებს ახორციელებს ამ მაღალმთიან დასახლებაში.


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.