საქართველო აქტიურად თანამშრომლობს ევროპის დაავადებათა პრევენციისა და კონტროლის ცენტრთან

ჯანდაცვის მინისტრის პირველი მოადგილე ზაზა ბოხუა და დაავადებათა კონტროლის ცენტრის დირექტორი ამირან გამყრელიძე ევროპის დაავადებათა პრევენციისა და კონტროლის ცენტრის ხელმძღვანელს შეხვდნენ.

შეხვედრის მიზანი მიმდინარე თანამშრომლობის და სამომავალი ურთიერთობების ახალი გზებისა და მიმართულებების განხილვა იყო.


საქართველო აქტიურად თანამშრომლობს ევროპის დაავადებათა პრევენციისა და კონტროლის ცენტრთან (ECDC) და ჩართულია სამ სხვადასხვა ელექტრონულ პლატფორმაში, როგორიცაა ეპიდემიოლოგიური საინფორმაციო სისტემა საკვებითა და წყლით გადაცემადი დაავადებებისა და ზოონოზების თაობაზე, საფრთხეების გამოვლენის პლატფორმა და ევროპის ეპიდზედამხედველობის სისტემა.


შეხვედრაზე ქართულმა მხარემ ხაზი გაუსვა ქვეყნის საზოგადოებრივი ჯანმრთელობისა და ორმხრივი პარტნიორული ინსტიტუციების გაძლიერებაში ევროპის დაავადებათა პრევენციისა და კონტროლის ცენტრის მხარდაჭერის მნიშვნელობას.


მინისტრის მოადგილის თქმით, ქვეყნისთვის ერთ-ერთი პრიორიტეტული მიმართულება განათლებაა და შესაბამისად, უმნიშვნელოვანესია ქართული მხარის ინტენსიური ჩართულობა ევროპის საგანმანათლებლო პროგრამებში, საზოგადოებრივი ჯანმრთელობის შესაძლებლობების გაძლიერება ადამიანისა და ზოონოზური დაავადებების ზედამხედველობის და ეპიდაფეთქებებზე რეაგირების მიმართულებით.


"ჩვენ შევთანხმდით იმ საერთო გეგმებზე და ნაბიჯებზე, რომელიც გვაქვს გადასადგმელი სამომავლოდ ევროპის დაავადებათა პრევენციისა და კონტროლის ცენტრთან თანამშრომლობის ფარგლებში. საუბარი იყო სამ მიმართულებაზე, რომელთაგან მთავარია განათლება, ასევე ვისაუბრეთ საზოგადოებრივი და პირველადი ჯანდაცვის რგოლის გაძლიერების საკითხზე განათლების კუთხით." - განაცხადა
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ ზაზა ბოხუამ.


დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ ხაზგასმით აღნიშნა, რომ ევროპის დაავადებათა პრევენციისა და კონტროლის ცენტრთან თანამშრომლობა ევროკავშირის ქვეყნებთან მეტი ინტეგრაციისა და გამოცდილების გაზიარების ერთ-ერთი გზაა.


"მნიშვნელოვანია, რომ ევროპის დაავადებათა პრევენციისა და კონტროლის ცენტრის (ECDC) ხელმძღვანელის ვიზიტი საქართველოში პირველად ხორციელდება. ჩვენ ვთანამშრომლობთ ევროპის დაავადებათა პრევენციისა და კონტროლის ცენტრთან რამოდენიმე მომართულებით, მათ შორის ინფექციური დაავადებების კუთხით. იმედია, დღეს ეს ვიზიტი ხელს შეუწყობს ჩვენი თანამშრომლობის გაფართოებას კიდევ სხვა მიმართულებითაც. როგორიცაა, ადამიანური რესურსის განვითარება, ახალგაზრდა
სპეციალისტების მეტი ჩართულობა ევროპულ სასწავლო, სატრენინგო პროგრამებში და გამოცდილების გაზიარება ინფექციური დაავადებების გავრცელებაზე ზედამხედველობის დახვეწის კუთხით. ვფიქრობ, ევროპის დაავადებათა პრევენციისა და კონტროლის ცენტრთან თანამშრომლობა ერთ-ერთი გზაა ევროკავშირის ქვეყნებთან მეტი ინტეგრაციისა და მეტი გამოცდილების გაზიარების." - განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა
ამირან გამყრელიძემ ევროპის დაავადებათა პრევენციისა და კონტროლის ცენტრის (ECDC) დირექტორმა
დადებითად შეაფასა საქართველოს სამომავლო გეგმები და აღნიშნა, რომ მზად არის
გააძლიეროს შემდგომი თანამშრომლობა.


"ჩვენ დღევანდელ შეხვედრას დიდი ხანია ვგეგმავდით და ძალიან მნიშვნელოვანია, რომ დღეს ეს შეხვედრა შედგა. საქართველო არის ის ქვეყანა, რომელთანაც გვსურს კიდევ უფრო გავაძლიეროთ თანამშრომლობა. დღეს გნვიხილეთ სწორედ ის საკითხები, რომლის ირგვლივ ვაპირებთ სამომავლო თანამშრომლობის გაგრძელებას. ჩვენთვის ასევე შესამჩნევია და მისასალმებელია ის მხარდაჭერა და თანამშრომლობა ჯანდაცვის სამინისტროსა და დაავადებათა კონტროლის ეროვნულ ცენტრს შორის. ჩვენ ვხედავთ
როგორ ვითარდებით და შემიძლია ვთქვა, რომ ევროკავშირს ბევრი რამის სწავლა შეუძლია საქართველოსგან." - განაცხადა ევროპის დაავადებათა პრევენციისა და კონტროლის ცენტრის (ECDC) დირექტორმა.


შეხვედრის ბოლოს მინისტრის მოადგილემ ზაზა ბოხუამ მადლობა გადაუხადა ევროპის დაავადებათა პრევენციისა და კონტროლის ცენტრის (ECDC) დირექტორს ვიზიტისა და თანამშრომლობისთვის.


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.