გალელი გოგოს ცხოვრება – ერთი საერთო ისტორია

ქართულ ენასა და ლიტერატურას ართმევდნენ, მაგრამ უფრო გაძლიერებულად სწავლობდა. მიხვდა, ცრუ ისტორიას ასწავლიდნენ და ნამდვილი ისწავლა. სამშობლოს სიყვარულს უკრძალავდნენ და უფრო შეუყვარდა.

მონოლოგის ავტორი, რომელსაც ქვემოთ გთავაზობთ, ოკუპაციას მაშინაც აპროტესტებდა, როდესაც უკრძალავდნენ. დღეს ხმამაღლა დაიწყო საუბარი: 


„ისეთი ბავშვობა გვქონდა, ტალახში რომ ვთამაშობდით და ერთმანეთს ხელის ურიკებით ვატრიალებდით; რუსულ მულტფილმებს ვუყურებდით, მაგრამ ძალიან საინტერესო იყო.


ხშირად, როცა ბავშვობაზე ვსაუბრობთ, მეუბნებიან, ესა თუ ის თამაში ან ქართული სიმღერა როგორ არ ვიცი. შემდეგ ვუხსნი საიდანაც ვარ, და თავიანთი სიტყვები უკან მიაქვთ ხოლმე.


16-ის ვიყავი, სკოლა რომ დავამთავრე. გალის ერთ-ერთ სოფელში კვირაში 4 დღე ვსწვლობდით ქართულ ენასა და ლიტერატურას. 2010 წლიდან სასწავლო საათები შეამცირეს. იქ ჩემი კლასი ქართული ენის ცოდნით საუკეთესო იყო. უმაღლესში თითქმის მოუმზადებლად ჩავაბარეთ და კარგი შედეგიც დავდეთ.


სახელმძღვანელოებს მცირე რაოდენობით გვირიგებდნენ და გვეუბნეოდნენ „ეს უნდა იმყოფინოთო“. ჩვენ ვიწერდით, ასლებს ვაკეთებდით და ისე ვსწავლობდით.


აფხაზური ენა დახვეწილი არაა. 66 ასობგერისგან შედგება და  გამოსათქმელად ძალიან რთულია. სწავლა პირველი კლასიდან დავიწყეთ – მეხუთე კლასამდე. შემდეგ აღარ ვსწავლობდით და მეცხრე კლასიდან გავაგრძელეთ. მე-10, მე-11 კლასში ორი სხვადასხვა მასწავლებელი გვყავდა, ორივე განსხვავებულად საუბრობდა. ძალიან რთულია, ჩამოუყალიბებელი ენა გასწავლოს ადამიანმა, რომელმაც ეს ენა გამართულად თავადაც არ იცის. ქართული,  ინგლისურთან ერთად, უცხო ენად ითვლება. აფხაზური დამატებითი ენაა, ხოლო  რუსული – მშობლიური.


სწავლა რუსულად მიმდინარეობდა. წიგნები ძალიან ძველი და უინტერესო იყო, 50-70-იან წლებში დაბეჭდილი ლიტერატურას ვიყენებდით,  მალე ფუჭდებოდა.  ისე რთულად იყო დაწერილი, გაგება გვიჭრდა.


არ სურდათ, კარგი განათლება მიგვეღო, რადგან  იქ დავრჩენილიყავით და თავიანთი მიზნებისთვის გამოვეყენებინეთ. მათი მიზანია, ხელი შეუშალონ ჩვენს ხიდსაქეთ გადმოსვლასა და ცოდნის მიღებას.


არ მახსოვს, ვინ ითავა, აფხაზეთის თუ საქართველოს განათლების სამინისტრომ, მაგრამ პირველი კლასიდან მეთორმეტეს ჩათვლით  წიგნები გვაჩუქეს, სადღაც 15-16 ყუთი იქნებოდა. გადმოტანა  ძალიან რთული იყო. მამაჩემმა ორი რეისი გააკეთა და  წიგნები ზუგიდიდან გალში ჩამოიტანა. გაიგეს და სკოლებში, სადაც ისინი ნახეს, დაწვეს. ჩვენ დავმალეთ და მერე გამოვაჩინეთ ბავშვებთან.


ატესტატი რუსულ-აფხაზურ ენაზე გაიცემოდა. 17 ბავშიდან 8-9 ბავშვი ვაბარებდით, 6 თუ 7 ჩავირიცხეთ.


სოფელში დიდი გასაქანი არ გვქონდა. მინიმუმ, რაც შეიძლება გვქონოდა, ტელევიზორი იყო, ინტერნეტი დღესაც არაა. მეგაბაიტები რომ იყიდო და ნორმალურად მოიხმარო, თვეში დაახლოებით 300 ლარი გჭირდება. წინათ „მაგთის“ მოდემს ვიყენებდით ხოლმე. მახსოვს, ვთქვი: „არ ვიცი რაზე ჩავაბარებ, მაგრამ საქართველოს ისტორია უნდა ვისწავლო-მეთქი“.


მეოთხე საგნად ისტორიის ჩაბარება გადავწყვიტე და მომზადება ზუგდიდიში დავიწყე. სკოლის შემდეგ ისტორიაში მოსამზადებლად მამაჩემს ან მის მეგობარს გადავყავდი ხოლმე ზუგდიდში, ღამით იქ ვრჩებოდი და დილით კი სკოლაში ვბრუნდებოდი. მახსოვს, პირველად საქართველოს ისტორიის წიგნის რომელიღაც გვერდი გადავშალე, 4 ჯერ წავიკითხე  ერთი და იგივე მონაკვეთი, ვერ გავიაზრე, ვერ მივხვდი, რა ეწერა. ისტორიას რუსულად ვსწავლობდით და ყველფერი რუსულად მქონდა თავში ჩაბეჭდილი. ქართული ტერმინები არ ვიცოდი. ჩემმა რეპეტიტორმა წარმომადგენინა ის ყველაფერი, რაც წიგნის ფურცლებზე ეწერა და ამ ხერხმა გაამართლა.


სკოლას რომ ვამთავრებდით, აფხაზეთის სახელმწიფო უნვერსიტეტის ლექტორები მოვიდნენ. ცდილობდნენ, დავერწმუნებინეთ, რომ ამ უნივერსიტეტში ჩაგვებარებინა. გვითხრეს: „შეღავათს გაგიკეთებთ და ზოგიერთი ფაკულტეტის სწავლას უფასოდ შეძლებთო“.  აფხაზეთში აბიტურიენტების უმრავლესობა იქ აბარებს. 1 ან 2 წელში შეგიძლია დიპლომის აღება. ჩემი კლასიდან 2 ბავში წავიდა, რომელებსაც თბილისში ნათესავები არ ჰყავდათ და სახლი არ ჰქონდათ.



აფხაზეთის ისტორიის ტურზე დავდიოდით, სადაც სპექტაკლებს ვდგამდით. ძალიან ბევრს საქართველო ომის დამწყებად გამოჰყავდა. ისმოდა ფრაზები, „ქართველები ჩვენი ძმები არ არიან“, „ქართველები აფხაზებს კლავდნენ“ და ა.შ. რამდენჯერმე პროტესტის ნიშნად წამოვედით, მაგრამ დაგვაბრუნეს და გაგვაფრთხილეს, რომ პრობლემები შეგვექმნებოდა. აფხაზეთის ისტორიაზე  პატარა ბროშურაა, მაგრამ მათ გავრცობილი და შეცვლილი აქვთ ფაქტები. მაგალითად, გიორგი ბრწყინვალემ გაათავისუფლა რაღაც ტერიტორია, იქ წერია რომ აფხაზები მივიდნენ და მათ გაათავისუფლეს ეს ტერიტორია, ყველგან აფხაზები ჩანან და აფხაზეთის გარდა საქართველოს ნებისმიერი კუთხე გამოყვანილი ჰყავთ მათ მტრად.


აფხაზეთის ე.წ. განათლების სამინისტროს თაოსნობით სხვადასხვა რაიონის ბავშები შეგვახვედრეს, ჩვენი რეგიონის წარმოსაჩენად. ძირითადი სალაპარაკო ენა მეგრული იყო, საუბრის დროს დიდი აურზაური ატყდა, აფხაზეთის ტერიტორიაზე ვართ და რუსულად ისაუბრეთ, გადააშენეთ თქვენი მეგრულიო. არ ვიცოდი, რა მეთქვა, მხოლოდ ერთი კითხვა დამებადა, პარლამეტში აფხაზურად მიმდინარეობდა თუ არა სხდომები, პასუხი იყო - არა, რუსულად. როცა მეუბნები რუსულად ილაპარაკე, მე ხომ არ ვარ რუსეთში, მე ვარ აფხაზეთში, მაშინ შენ უნდა თქვა, რომ ჩვენ ვართ არა აფხაზეთში, არამედ რუსეთში. საბოლოოდ პროექტი ვერ შედგა და დავიშალეთ.


ექვსკურსიაზე მივდიოდით ახალ ათონში. მიკრო ავტობუსში წინ  დავჯექი და ღვედი გავიკეთე. სასწრაფოდ მომახსნევინეს: „არ გაიკეთო, რადგან მიხვდებიან, რომ მეგრელი ხარ და კანონს ემორჩილებიო“. აფხაზეთში იმ კანონებს ემორჩილებიან, რომლებიც მათვისაა მისაღები.


ბიჭვინთაში, ხეცურიანების სახლ-მუზეუმში ვიყავით ექსკურსიაზე.  რომ გაიგეს ქართული ვიცოდით, ტირილი დაიწყეს. მიუხედავათ იმისა, რომ კარგად აღარ ახსოვდათ, რადგან საშუალება არ ჰქონდათ სხვასთან ან ერთმანეთში ესაუბრათ, ყველაფერი მაინც მშობლიურ ენაზე აგვიხსნეს. ყველა ქართული ძველებური ნივთი ჰქონდათ შენახული პატარა სუვენირის სახით, რომ ხალხს არ დავიწყებოდა საქართველო. უცებ აფხაზეთში ქართული რომ გავიგე, ცოტა არ იყოს, ყურში უცნაურად მომხვდა. რომ გავაანალიზე, სად ვიყავი, ძალიან უცხო გრძნობა დამაუფლა.


სკოლის მოსწავლეები გუდაუთის ბანაკში მივდიოდით, მაგრამ პრობლემები შეიქმნა და  სოხუმში, სასტუმროში დავბინავდით. მახსოვს, ქართულად დავილაპარაკე და ყველამ მე შემომხედა.


ერთ-ერთ შეხვედრაზე დავალება მოგვცეს, რომ სოხუმის სუფთა და დაბინძურებული ადგილები აღგვებეჭდა, 50 სურათიდან 45-ზე დაბინძრებული ადგილები იყო. ერთმა გოგონამ თქვა: „თბილისში რომ ჩავედი, მეგონა, იქ სანაგვე დამხვდებოდა, მაგრამ ყველაფერი სუფთაა, ყოველ საღამოს ასუფთავებენ ქალაქს და განათებებიცააო“. იქ არ არსებობს ნაგვის ყუთები, მხოლოდ სოხუმის ცენტრში დგას.


გალში ფულის ერთეული რუბლია.  მაღაზიებში პროდუქტს ცეცხლის ფასი უკიდია. პროდუქტი ასეთი ძვირი ანაკლიაშიც არ არის. არჩევანიც ცოტაა და საქონელი, ზოგადად, რუსეთიდან შემოდის. მოსახლეობის ძირითადი ნაწილი სოფლის მეურნეობაშია დასაქმებული. ენგურჰესის მიმდებარე ოთხი სოფლიდან მოსახლეობის უმრავლესობა ჰიდროელექტროსადგურში მუშაობს და აფხაზეთის დე ფაქტო მთავრობას ესეც აღიზიანებთ.


შემთხვევით გავიგე, რომ ჩემი საბუთი მოსული იყო, მივხვდი, რომ იმდღესვე, რომ არ ამეღო მერე პრობლემა შმექმნებოდა, გალში რომ ჩავედით, ის პიროვნება, ვინც პასპორტებს არიგებდა, წასული იყო და შუა გზიდან მოვაბრუნეთ, მის კაბინეტში, მასთან ერთად, ჩუმად შევიპარეთ, რადგან მას პრობლემები არ შექმნოდა. ამის შემდეგ 3-4 წელი პასპორტები აღარ გაუციათ. პასპორტი  ორნაირია, გიწერია ეროვნება ქართველი ან აფხაზი, ვისაც ეროვენაბა აფხაზი უწერია,  არჩევნებში მონაწილეობა შეუძლია. ნებისმიერ იურიდიულ საკითხში ჩართვა, თუ ქართველი გიწერია ეროვნებად, გარდა საზღვარზე გადმოსვლა-გადასვლისა, კანონიერად არაფერის უფლება გაქვს.


პასპორტს ვადა 20 წელი ჰქონდა მაგრამ, უკვე გააუქმეს. სამსახურისა და სწავლის გამო ვერ გადავედი, რომ აღვადგინო. ამას კიდევ  ბევრი ფული და დრო სჭირდება.


2013 წელს აფხაზეთში პუტინი ჩამოვიდა და თქვა: „მე ძალით არ გაგიშვებთ, არ გაგყრით აქედან, მაგრამ  იმდენს გავაკეთებ, შეგიქმნით პრობლემებს, რომ  თქვენი ფეხით აბარგდებით და წახვალთო“. ჰაერს წაგართმევს და იძულებული გახდები, რომ წამოხვიდე. რუსეთი აფხაზეთს არ დათმობს, როდესაც უკვე თითქმის მის ხელშია. აფხაზებმაც დაყარეს ფარ-ხმლი და დინებას მიჰყვებიან, რადგან ბრძოლის უნარი აღარ აქვთ,  და არც უნდათ. მე ამას მათ თვალებშიდაც ვხედავდი. პუტინს ხალხი საერთოდ არ აინტერესებს, მისთვის მთავარი ტერიტორიაა.


არიან ბავშვები, ახალგაზრდები, რომლებმაც არაფერი იციან საქართველოს შესახებ, არც სმენიათ. არ აინტერესებთ ისტორია.


დაბრუნების შანსი ყოველთვის არის, მაგრამ ძალიან დიდი დრო სჭირდება. სამი ფაქტორია: 1) აფხაზები მობილიზდნენ; 2) საქართველო გაძლიერდეს და  სწორი სვლები გააკეთოს; 3) რუსეთმა უნდა დაუშვას შეცდომა. აფხაზებს რუსეთმა თავისუფლებაც რომც მისცეს, საქართველოს იმ შემთხვევაში შემოუერთდბიან, თუ ვინმე დიპლომატიურად დაელაპარაკება. ორივე  მხარის წარმომადგენლებმა უნდა მიაღწიონ შეთანახმეაბას ურთიერთობის აღსადგენად. აფხაზეთის მხრიდან საჭიროა ისეთი ადამიანი, რომელიც პროქართული იქნება.


მამაჩემს გალს იქით წასვლა არ უყვარს. გაიშნიკები გაგაჩერებენ და გეტყვიან ეს ნაკაწრი რატომ გაქვს, თუ გინდა გაგიშვან, ფული უნდა გადაუხადო. შემდეგ ისევ გაჩერებენ... აფხაზეთში კორუფციაა გამეფებული. დაძაბულობა იგრძნობა. უცხო ადამიანი, ალბათ, ვერ გაუძლებს, ნერვიულობისგან შეიძლება მოკვდეს. ხიდს აქეთ, ბავშვი რომ გადმოდის, ჰგონია, რომ აქაც მსგავსი სიტუაციაა. სხვადასხვა სამყაროა რუხის ხიდის გაღმა-გამოღმა. მთავრაია, ბავშვს დაანახო, რა არის ხიდს იქით. იქ სიტყვის თავისუფლება არაა, ნებისმიერი ფორმით აჩუმებენ ადამიანს.


გალის რაიონი  ხელწამოსაკრავი ჰქგონიათ. ახლახანს წავიკითხე, რომ უნდათ ის დანარჩენი აფხაზეთის ნაგავსაყრელად აქციონ.


ავტორი: ქეთევან კენჭოშვილი   #მედიალაბორატორია


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.