„თბილისის თამბაქო“ ზაზა ოქუაშვილს ქართული თამბაქოს წარმოების ძირის გამოთხრაში ადანაშაულებს

„თბილისის თამბაქოს“ მიმართვა საქართველოს მთავრობას.

13 ივლისს ტელეკომპანია „რუსთავი 2“-ის გადაცემა „შაბათის კურიერში“ ჩვენს ფაბრიკაზე მორიგი ცილისმწამებლური და მავნებლური სიუჟეტი გავიდა. ტელეკომპანიამ ბრალი დაგვდო ბიუჯეტის კუთვნილი 60 მილიონი ლარის მითვისებაში და ამის „უტყუარ“ მოწმედ მოიყვანა თამბაქოს ვეტერანი კონტრაბანდისტი და ვაიბიზნესმენი ზაზა ოქუაშვილი. მისი საგმირო საქმეები და  ქვეყნის ბიუჯეტისადმი  „გულშემატკივრობა“ ჯერ კიდევ 90-იანი წლებიდან არის ცნობილი. ამჯერად ის არის თამბაქოს  კომპანია „ოჯითის“ მფლობელი, რომელსაც ქვეყნის ბიუჯეტის 50 მილიონი ლარის დავალიანება აქვს და წლებია, ჯიუტად არ იხდის ჩვენი პედაგოგების, პენსიონერებისა და პოლიციელების წინაშე არსებულ დავალიანებას. ასევე, წლებია, ბიუჯეტისადმი ათეულ მილიონობით ლარის დავალიანება აქვს ქვეყნის ბიუჯეტზე „გულდამწვარ“ „რუსთავი 2“-საც. ჩვენ კი  ყოველწლიურად ბიუჯეტში 60 მილიონამდე ლარი შეგვაქვს და ბიუჯეტის ერთი თეთრის დავალიანებაც არ გვაქვს.                                                                 


„შაბათის კურიერის“ სიუჟეტში აღწერილ საკითხზე ფინანსთა სამინისტროს შემოსავლების სამსახურმა უკვე გააკეთა განცხადება, რომელშიც ნათქვამია, რომ „რუსთავი 2“- ზე გასული მასალა იყო მორიგი ცილისმწამებლური და სიცრუეზე დამყარებული სიუჟეტი, რომელიც წარმოადგენდა ტელეკომპანია „რუსთავი 2“-ისთვის გაგზავნილი ოფიციალური ინფორმაციის უხეშ მანიპულაციას და გახმოვანებულია საზოგადოების შეცდომაში შეყვანის მიზნით.     


                                             შემოსავლების სამსახური აღნიშნავს, რომ ყოველგვარ დასაბუთებასაა მოკლებული განცხადება, თითქოს სახელმწიფო ბიუჯეტმა არარსებული კორუფციული სქემით 60 მლნ ლარით იზარალა, რაც უბრალოდ აბსურდია, რისი დამტკიცებაც უმარტივესი არითმეტიკული კალკულაციითაა შესაძლებელი.                      


განცხადებაში ასევე  ხაზგასმულია, რომ „...გარდა კომპანია „ოჯითისა“, თამბაქოს ბიზნესში მომუშავე არცერთ სხვა კომპანიას არ აქვს არანაირი დავალიანება სახელმწიფო ბიუჯეტის მიმართ და აქციზური მარკების გაყიდვით, 2018 წლის დეკემბერში, ბიუჯეტმა სრულად მიიღო ის თანხები, რომელიც მას ეკუთვნოდა“.


ასეთია სიმართლე, რომელიც პრობლემის მხოლოდ აისბერგის წვერია  და ვერ სცემს პასუხს მთავარ კითხვას, რატომ ებრძვიან  წლების განმავლობაში ასე თავგამოდებით „რუსთავი 2“ და ზაზა ოქუაშვილი ქართული თამბაქოს წარმოებას.


შევეცდებით, ამ კითხვას დამაჯერებელი პასუხი გავცეთ.


საქმე ისაა, რომ ქართული თამბაქოს ადგილობრივ წარმოებას კონკურენციას უწევენ თამბაქოს იმპორტიორი მეგაკორპორაციები, რომელთაც უდიდესი შესაძლებლობები და გავლენები გააჩნიათ. მათ სრულად აქვთ მონოპოლიზებული ფილტრიანი სიგარეტის ქართული ბაზარი და დემპინგური ფასებით ცდილობენ ქართული კომპანიების  უფილტრო სიგარეტის 12%-იანი ნიშიდან განდევნას. მოსახლეობისთვის გასაგები რომ იყოს, ისინი უფილტრო სიგარეტს ყიდიან თვითღირებულებაზე დაბალ ფასში და ამით ანადგურებენ ადგილობრივ წარმოებას, რადგან, მათგან განსხვავებით, ჩვენ არ შეგვიძლია, წლები ვიმუშაოთ წაგებაზე. ცხადია, ისინი ამ დანაკარგებს ფილტრიანი სიგარეტის სეგმენტიდან იბალანსებენ, რადგან ბაზრიდან ადგილობრივი წარმოების განდევნისთანავე, ამ სეგმენტზე მომენტალურად ზრდიან ფასებს. ერთი შეხედვით, ფორმალურად მნიშვნელობა არ აქვს, ვინ შეიტანს ფულს ბიუჯეტში, მაგრამ პრაქტიკაში ეს ნიშნავს სამი ათასი ადამიანის უმუშევრად დატოვებას და სოციალური ფონის დამძიმებას.  ამას აქვს მეორე მხარეც, ადგილობრივი წარმოების შეზღუდვას თან სდევს თამბაქოს ფასის განუხრელი ზრდა, რაც უკვე სახეზეა და მძიმე წნეხად აწვება ქვეყნის მოსახლეობის უმრავლესობას.


ჩვენდა სამწუხაროდ, ხელისუფლება ეფექტურად ვერ შეებრძოლა დემპინგურ ფასებს და დღემდე  ყოფნა-არყოფნის ზღვარზე გვიწევს მუშაობა. იმედი გაჩნდა  წლების წინათ, როცა ხელისუფლებამ გადაწყვიტა, დაეწყო ადგილობრივი მეთამბაქოობის მხარდაჭერის პროექტი და ლაგოდეხსა და აჭარაში  თამბაქოს პლანტაციები გაეშენებინა. პროექტი უამრავ ადამიანს დაასაქმებდა და ქართულ კომპანიებს პროდუქციის ასორტიმენტისა და ბაზარზე ჩვენი წილის გაზრდის საშუალებას მოგვცემდა. პროექტი ჩაშალა  ზაზა ოქუაშვილმა, რომელმაც ადგილობრივი წარმოების ინტერესები იმპორტიორებს მიჰყიდა და მოგვისპო განვითარების საშუალება.                 


დღეს, როცა გვარამიამ ღიად და უტიფრად შეუტია ქართულ ღვინოს, საზოგადოების დიდმა ნაწილმა მხოლოდ ახლა გაიგო  ქართული პროდუქციისადმი გვარამიას მტრობაზე.  არადა,  წლებია, რაც „რუსთავი 2“ ქართული თამბაქოს წარმოების  დისკრედიტაციის გეგმაზომიერ კამპანიას ეწევა და ახდენს ჩვენი ქარხნის  მენეჯმენტისა და აქციონერების დემონიზებას. ისინი აპელირებენ ჩვენი ფაბრიკის აქციონერის, ბიზნესმენ ვანო ჩხარტიშვილის განსაკუთრებულ კავშირებსა და გავლენებზე მთავრობაში. არადა, ფაქტები საწინააღმდეგოზე მეტყველებს. რა გავლენებზე შეიძლება იყოს ლაპარაკი, როცა წლებია, დემპინგურ გარემოში გვიწევს მუშაობა; ჩვენ არ გვაქვს ბიუჯეტის არანაირი დავალიანება, როცა ოქუაშვილის კომპანიას წლებია მილიონობით ლარის დავალიანებას პატიობდნენ და არათანაბარ პირობებში გვაყენებდნენ; ახალი აქციზური მარკების შემოღებით კი წმინდად იმპორტიორთა დაკვეთა შესრულდა, რათა ჩვენი საწარმო გაეჩერებინათ.


საზოგადოებამ უნდა იცოდეს, რომ თამბაქოს ქართულ წარმოებას და ჩვენს ფაბრიკას ებრძვის კარგად ორგანიზებული ძალა, რომელშიც დაკვირვებული თვალი, „რუსთავი 2“-ისა და ოქუაშვილის უკან, ადვილად შეამჩნევს დაინტერესებულ პოლიტიკურ ჯგუფებს და, რა თქმა უნდა, თამბაქოს გავლენიან იმპორტიორებს.                                                                                            


ჩვენ, „თბილისის თამბაქოში“ დასაქმებულ ადამიანებს, პირველ რიგში, კითხვები გვაქვს მთავრობასთან, რომლის  ერთი შეხედვით გაცხადებული პოლიტიკით პრიორიტეტი ადგილობრივი წარმოების მხარდაჭერაა. არადა,  ჩვენს შემთხვევაში,  სახეზე გვაქვს ადგილობრივი წარმოების ხარჯზე  იმპორტიორების ნების აღსრულება და ჩვენი სამუშაო ადგილების გაუქმებით სხვა ქვეყანებში დასაქმებისთვის ხელშეწყობა. თუ ეს ასე:


- რატომ შემოიღო ხელისუფლებამ ქართული წარმოებისთვის დამატებითი აქციზი, რითაც გაჩერების პირამდე მიიყვანა წარმოება და გაუძვირა სიგარეტი დაბალშემოსავლიან მოსახლეობას?


- ხომ არ ემსახურება  ეს ე.წ. ვითომ სიგარეტის მოწევის შეზღუდვის ყბადაღებული კამპანია ქართული წარმოების განადგურებას და ხელისუფლებაში ამის ხელშემწყობი ჯგუფები   ხომ არ წარმოადგენენ თაღლითი ფადი ასლის მეგობრების ინტერესებს?


- რატომ არის, რომ მიუხედავად  მთავარი პროკურატურისადმი ჩვენი არაერთგზისი მიმართვისა, რათა დაუყოვნებლივ დაეწყო გამოძიება ყველა იმ ჩინოვნიკის  წინააღმდეგ, რომლებიც დანაშაულებრივად წლებია, თვალს ხუჭავდნენ კომპანია „ოჯითის“ მიერ სახელმწიფო ბიუჯეტიდან მილიონობით ლარის მიტაცებაზე და დემპინგის წახალისებით ხელს უწყობდნენ ქართული წარმოების განადგურებას, დღემდე შედეგი არ ჩანს?


- რატომ არავინ აქცევს ყურადღებას ამ საქმის პოლიტიკურ მდგენელს და ხომ არ ასრულებს პარტიული ტელევიზია  „რუსთავი 2“ ნაციონალების დაკვეთას ჩვენი წარმოების გაჩერებით, რათა ხელი შეუწყოს სოციალური ბუნტის პროვოცირებას. ერთი, რომ ულუკმაპუროდ დარჩება  ათასობით ოჯახი და მეორეც, გაიზრდება დაბალშემოსავლიანი მოსახლეობის პროტესტი, რომლებიც აქციზის შემოღების შემდეგ უფილტრო სიგარეტის კოლოფში 2,5 ლარის ნაცვლად 3,3 ლარს იხდიან. ფიქრობს ამაზე ვინმე მთავრობაში?!


ჩვენი საწარმოს, „თბილისის თამბაქოს“ გუნდი, რომელიც 1500-ზე მეტ ადამიანს აერთიანებს, ადმინისტრაციიდან დაწყებული და რიგითი მომსახურეებით დამთავრებული, დღემდე თავს ვიკავებდით აქტიური ქმედებებისგან, რითაც ქართული თამბაქოს წარმოების მტრებს დაუსჯელობის განცდა გაუჩნდათ. ჩვენთვის ცნობილია ჩვენი ფაბრიკის საწინააღმდეგო კოალიციის ყველა სუბიექტი და მათი დანაშაულებრივი ნაბიჯები. მათ უნდა იცოდნენ, რომ არ შევეგუებით ჩვენი საწარმოს მიზანმიმართულ განადგურებას და ყველაფერს გავაკეთებთ ჩვენი სამუშაო ადგილების შენარჩუნებისა და ქართული თამბაქოს  წარმოების გადასარჩენად. ყველა ის სუბიექტი, რომელიც ჩართულია ფაბრიკის საწინააღმდეგო კამპანიაში, სათანადო სამართლებრივ და სხვა კანონიერ პასუხს მიიღებს, იქნება ის არაკეთილსინდისიერი იმპორტიორი კომპანია და მათი მფარველი ყოფილი თუ ახლანდელი ჩინოვნიკები, მათთან  ალიანსში მყოფი ზაზა ოქუაშვილი თუ მათი სიცრუის რუპორი „რუსთავი 2“.


„თბილისის თამბაქო“ 


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.