არჩილ თალაკვაძე: „ქართული ოცნება“ საზოგადოებას, ქვეყანას და ოპოზიციურ სპექტრს სთავაზობს მშვიდ, საქმიან პოლიტიკას

საქართველოს კონსტიტუციური კანონის პროექტების მორიგ საყოველთაო-სახალხო განხილვას დღეს  ახალციხეში, სამცხე-ჯავახეთის სახელმწიფო უნივერსიტეტმა უმასპინძლა.

 


დისკუსია საქართველოს პარლამენტის თავმჯდომარემ, არჩილ თალაკვაძემ გახსნა, რომელმაც შეკრებილებს საკონსტიტუციო ცვლილებების მომზადების მიზანი, შინაარსი და ძირითადი არგუმენტები გააცნო. 


კონსტიტუციური კანონის პროექტების შესახებ საუბრისას, არჩილ თალაკვაძემ განხორციელებული საკონსტიტუციო რეფორმის შესახებ ისაუბრა და ხაზგასმით აღნიშნა, რომ პროპორციულ საარჩევნო სისტემაზე 2024 წელს გადასვლის გადაწყვეტილება მმართველმა გუნდმა ჯერ კიდევ ერთი წლის წინ მიიღო. აქვე, პარლამენტის თავმჯდომარემ შეკრებილებს შეახსენა, რომ არსებობენ ქვეყნები, სადაც კარგად მუშაობს სრულად მაჟორიტარული, ან  შერეული თუ პროპორციული სისტემები, თუმცა, მტკიცება იმისა, რომ ამ საარჩევნო სისტემებიდან რომელიმე მოდელი პანაცეაა, სწორი არ იქნება. მისი შეფასებით, თითოეული მოდელი მაშინაა ეფექტური, თუ ის ქვეყნის საჭიროებებსა და სოციალურ-პოლიტიკურ, ეკონომიკურ და უსაფრთხოების კუთხით არსებულ კონტექსტს არის მორგებული.


არჩილ თალაკვაძემ განხილვაზე დამსწრეებს  განუმარტა, თუ რატომ მივიდა მმართველი გუნდი შერეული საარჩევნო სისტემის შეცვლის გადაწყვეტილებამდე.


„ ცხოვრებამ მოგვცა  გაკვეთილები, სადაც აღმოჩნდა, რომ ყველა ხელისუფლება, ვისაც აქვს მანდატების მაღალი რაოდენობა, საქმიანობას კრიზისით ამთავრებს. ასე მოხდა წინა ხელისუფლების პირობებში, ასე მოხდა უფრო ადრეც. ჩვენ ეს გაკვეთილები გავითვალისწინეთ და ამიტომ, ერთი წლის წინ გადავწყვიტეთ, რომ შევქმნათ ისეთი საარჩევნო სისტემა, რომელიც არცერთ პარტიას არ მიანიჭებდა მანდატების ძალიან მაღალ რაოდენობას.


შანსი იმისა, რომ რომელიმე პარტიას ჰქონდეს საკონსტიტუციო უმრავლესობა, პროპორციული არჩევნების მოდელით პრაქტიკულად არ რჩება“,- განაცხადა პარლამენტის თავმჯდომარემ.



მან აღნიშნა, რომ  მმართველმა გუნდის მოსაზრებით, უფრო დაბალანსებული და წარმომადგენლობითი პარლამენტი მეტად ეფექტურად უზრუნველყოფს ქვეყნის სტაბილურობას, ხოლო გადაწყვეტილებების მიღების პროცესს - უფრო დემოკრატიულს გახდის.


„როგორც „ქართული ოცნების“ წარმომადგენელი და პარლამენტის თავმჯდომარე, ვაცხადებ, რომ „ქართული ოცნება“ საზოგადოებას, ქვეყანას და ოპოზიციურ სპექტრს სთავაზობს მშვიდ, საქმიან პოლიტიკას. მნიშვნელოვანია, გადავერთოთ მომავალზე და საზოგადოებას ვუთხრათ, რის გაკეთებას ვაპირებთ. ვიცით, სად ვიყავით, რა გამოვიარეთ.  ამას შეფასება ხალხმა წინა რამდენიმე არჩევნებში მისცა.  ვიცით,  სად ვიმყოფებით დღეს. ვხედავთ, რომ დღეს გვაქვს რეალური შანსი, რათა საქართველომ შეცვალოს თავისი პოლიტიკური კულტურა და პოლიტიკა არ იყოს მხოლოდ უწყვეტი დაპირისპირების რეჟიმი. გთავაზობთ ისეთ პოლიტიკურ სისტემას, სადაც შეიძლება, ქვეყნისთვის ყველაზე მთავარ საკითხებზე, პოლიტიკურ პარტიებს შორის შეთანხმება შედგეს და ასევე შეიძლება, რომ საკამათო პოზიციები დარჩეს სექტორულ საკითხებზე“,- განაცხადა პარლამენტის თავმჯდომარემ.



არჩილ თალაკვაძემ დააზუსტა ის არგუმენტებიც, რის გამო მიიღო მმართველმა გუნდმა, ერთი წლის წინ, პროპორციული არჩევნების 2024 წელს ჩატარების გადაწყვეტილება. მისი განმარტებით, 2020 წელს  არჩევნების პროპორციული წესითა და  ბარიერით ჩატარება ვერ უზრუნველყოფდა მიზანს - პარლამენტი გახდეს მეტად წარმომადგენლობითი.



„ამიტომ, მოგვყავდა არგუმენტები, რომ 2024 წელს სჯობდა შეცვლილიყო საარჩევნო სისტემა და ასევე, მიგვაჩნდა, რომ ცვლილებები, რომელსაც ახლა ვახორციელებთ -  შეიცვალოს პარტიების დაფინანსების სისტემა, მედიაში დროის განაწილების წესები, კამპანიის ჩატარების წესები და საარჩევნო პროცესი გახდეს უფრო გამჭვირვალე და სამართლიანი, ვფიქრობდით, რომ ამ პირობებში, პარტიებს 3-4 წელი უნდა ჰქონოდათ, რათა მომზადებულიყვნენ პროპორციული არჩევნებისთვის  5 %-იანი ბარიერით“, - განაცხადა არჩილ თალაკვაძემ.



პარლამენტის თავმჯდომარემ ხაზგასმით აღნიშნა, რომ 2020 წლის საპარლამენტო არჩევნების პროპორციული წესით ჩატარების გადაწყვეტილება მმართველმა გუნდმა, როგორც დემოკრატიულმა და პასუხისმგებლიანმა პოლიტიკურმა ძალამ, საზოგადოების მოთხოვნისა და ახალგაზრდების გულწრფელი პროტესტის გათვალისწინების შედეგად მიიღო. არჩილ თალაკვაძემ განმარტა ნულოვანი ბარიერის არსი და მნიშვნელობაც.



„იმ პოლიტიკურ პარტიებს, ვისაც აქვთ იდეოლოგია, აქვთ პროგრამა, ჰყავთ ლიდერები და შეუძლიათ ხალხთან მისვლა და დარწმუნება, რომ მათი პოლიტიკური ძალა არის უკეთესი,  შეეძლებათ,  ნულოვანი ბარიერის პირობებში, პარლამენტში მიიღონ წარმომადგენლობა. თუ ახლა ჩავატარებთ არჩევნებს 5%-იანი ბარიერით, დიდი ალბათობით, პარლამენტში ისევ იქნება ორი ან სამი პარტია და ისევ გაგრძელდება ის დაპირისპირება, რაც ქართულ პოლიტიკაში არსებობს. ამიტომ გთავაზობთ, რომ 2020 წლის არჩევნები ერთჯერადად ნულოვანი ბარიერით ჩავატაროთ, ავწონოთ ყველა პოლიტიკური პარტიის რეალური მხარდაჭერა, აჩვენონ მათ საზოგადოებას, ვის შეუძლია მართვა, რომ მხარდაჭერის მობილიზაცია გააკეთონ, შევიდნენ პარლამენტში, რაც ავტომატურად ნიშნავს, რომ მათ მიეცემათ დაფინანსება, მიეცემათ წვდომა მედიაში, საპარლამენტო ტრიბუნა და შესაბამისად, ოთხი წელი ექნებათ რომ მოემზადონ 2024 წლის არჩევნებისთვის“,- განაცხადა არჩილ თალაკვაძემ.



სიტყვით გამოსვლისას, საქართველოს პარლამენტის თავმჯდომარემ ბლოკების გაუქმების გადაწყვეტილებაზე გაამახვილა ყურადღება და ამასთან დაკავშირებით, ოპოზიციის განცხადებებს გამოეხმაურა. არჩილ თალაკვაძის შეფასებით, ბლოკების მექანიზმი, წლების განმავლობაში, მანიპულაციისა და რესურსების უსამართლოდ მიღების საშუალება იყო.  „რეალური პოლიტიკური პარტია ფურცელზე ფორმდებოდა სხვა სუბიექტებთან ერთად, როგორც ბლოკი. სინამდვილეში, ის სუბიექტები არ იყვნენ რეალური პარტიები, იყვნენ უბრალოდ ადამიანები, ვისაც ჰქონდათ დარეგისტრირებული პარტია და ასეთი დარეგისტრირებული პარტია საქართველოში არის 400-ზე მეტი. ამ 400-იდან მხოლოდ 15 ან 20 პარტიაა, ვისი სახელებიც ხალხმა იცის. ეს არის ბლოკების კულტურა ამ ქვეყანაში და ამ ბლოკებში გაწევრიანებული პარტიები იღებენ 


დაფინანსებას თქვენი გადასახადებიდან, იღებენ კვოტებს კომისიებში, აქვთ რესურსებზე წვდომა და სინამდვილეში ისინი არ არიან პარტიები. ამიტომ, ვთავაზობთ  ოპოზიციას, რომ მოდით, თანაბარ პირობებში, ცარიელ მოედანზე გამოვიდეთ სათამაშოდ. რეალურმა პოლიტიკურმა პარტიებმა მივიღოთ მონაწილეობა არჩევნებში. ვნახოთ ვის რა მხარდაჭერა გვაქვს, როგორც პარტიებს და არა როგორც ფიქტიურ ბლოკებს“,- განაცხადა არჩილ თალაკვაძემ.



პარლამენტის თავმჯდომარემ კიდევ ერთ საკითხზე გაამახვილა ყურადღება და იმ კითხვებს უპასუხა, რაც შესაძლოა, მოქალაქეებს მაჟორიტარული სისტემის გაუქმების შემდეგ  გაუჩნდეთ. არჩილ თალაკვაძემ ისაუბრა მმართველი გუნდის პოზიციაზეც და ხაზგასმით აღნიშნა, რომ პარტიულ სიებში აუცილებლად იქნებიან გათვალისწინებული რეგიონული ლიდერები.



„ მაჟორიტარული მანდატები უპირატესობას გვაძლევდა ჩვენ, როგორც მმართველ პარტიას. მაჟორიტარული ოლქების უმრავლესობა მოგებული აქვს „ქართულ ოცნებას“ და  დარწმუნებული ვარ, რომ მომავალ არჩევნებშიც, შერეული სისტემა რომ დარჩენილიყო,  კიდევ ბევრ მაჟორიტარულ ოლქს მოვიგებდით. ეს არის ჩვენი ბუნებრივი უპირატესობა დღეს და პარლამენტშიც ამიტომ გვქონდა საკონსტიტუციო უმრავლესობა. მაგრამ მზად ვართ, უარი ვთქვათ ამ ბუნებრივ უპირატესობაზე. მზად ვართ, არჩევნები პროპორციული წესით ჩატარდეს  და ყველამ მიიღოს პარლამენტში იმდენი მანდატი და ადგილი, რამდენი ხმაც რეალურად მოიპოვა. „ქართული ოცნების“ ხედვა ასეთია, რომ ჩვენს სიებში აუცილებლად იქნებიან ის ადამიანები, ვინც საკუთარ რეგიონში თავის საქმეს ეფექტურად, ვისაც აქვს რეალური მხარდაჭერა და ვისაც ესმის, ადგილზე რა პრობლემებია“,- განაცხადა პარლამენტის თავმჯდომარემ.



მისივე შეფასებით, ის პოლიტიკური პარტია, ვინც პარტიული სიების შედგენისას რეგიონებს არ გაითვალისწინებს, წარუმატებელი იქნება. არჩილ  თალაკვაძის განცხადებით, 2020 წლის არჩევნების დასრულების შემდეგ, „ქართული ოცნების“ სიით, დეპუტატის მანდატებს ბევრი რეგიონული ლიდერი მიიღებს.



საქართველოს კონსტიტუციური კანონის პროექტების საყოველთაო-სახალხო განხილვა თელავსა და რუსთავში უკვე გაიმართა.​


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.