... და გადმოუხვიეთ მარცხნივ!

დიახ, დაუფიქრებლად, სვანეთში მიმავალი, ზუგდიდიდან დაახლოებით 100 კილომეტრში, როგორც კი დაინახავთ, რომ არჩევანი უნდა გააკეთოთ მესტიასა და ნაკრას შორის, ჯერ მარცხნივ გადმოუხვიეთ და წამომყევით დაუვიწყარ მოგზაურობაში.

სანამ სოფლამდე მივალთ, გზად აუცილებლად შეგვხვდება თითქოს განცალკევებით მდგარი მთა. როგორც შემდეგ ადგილობრივებმა გვითხრეს, ამ მთაზე თოვლი არ ჩერდება, რადგან ის სითბოს გამოყოფს და ჯერ კიდევ გეოლოგების დაკვირვების ქვეშაა. ისე კი ერთი შეხედვითაც ეტყობა გამორჩეულობა.


უშგულის, ჰაწვალისა და მესტიის ფონზე სახელი ნაკრა არც გახსენდებათ, ხომ?  სიმართლე გითხრათ, არც მე გამახსენდებოდა, რომ არა ცოტა ხნის წინ წაკითხული ნიუსი. ამბავი იყო იმაზე, რომ ტურისტებისთვის ცნობილ სვანეთში თურმე არსებობს ხეობა, რომელიც თითქოს ყველამ მიივიწყა და ახლა „ნენსკრა ჰიდრო“ მისი პოპულარიზაციის კამპანიას იწყებსო. ორმა რამემ გამაოცა: კომპანიის ასეთმა ზრუნვამ ხეობაზე (ქართული ბაზრისთვის ნაკლებადაა დამახასიათებელი) და ფაქტმა, რომ სვანეთში პოპულარიზაცია კიდევ სჭირდება სოფლებს.  მოკლედ მოგიყვებით - საუბარია ჩუბეხევის, ე.წ. ბალს ქვემო სვანეთის სოფელ ნაკრაზე. რადგანაც თქვენ უკვე გადმოუხვიეთ მარცხნივ და მომყვებით, გზადაგზა გიამბობთ: „ნაკ“ სვანურად ვაკე ადგილს ნიშნავს, ამიტომ ამ სოფელში მოსვლით სვანეთის ვაკე-საბურთალოზე ხვდებით. თუმცა ეს მხოლოდ სახელია - რეალურად სამი მთის გარემოცვაში ხართ და სულაც არ გგონიათ თავი თბილისში. თავს ვერ დავდებ, ამ მთებში რამდენადაა თავისუფლება (რადგან ეს უკანასკნელი ყველასთვის სხვადასხვანაირად განიმარტება), მაგრამ უამრავი თავგადასავალი, ჰაერი და მოსანახულებელი ადგილი ნამდვილად შეგხვდებათ.


რადგანაც თბილისიდან ნაკრაში ჩამოსვლას დიდი დრო სჭირდება და უკვე ბნელდება, სჯობს გავიკითხოთ გესტჰაუსების შესახებ და დასარჩენ ადგილზე ვიზრუნოთ. არც ისე დიდხნიანი ძებნის შემდეგ აუცილებლად მიგვასწავლიან გესტჰაუს „ნაკრას“, რომელიც ოდნავ შემაღლებულზე დგას და სოფელს გადმოჰყურებს. „ნაკრაში“ მასპინძლობას ნინო ცინდელიანი გაგიწევთ. ჩემი რჩევა იქნება, სუფრაზე აუცილებლად გასინჯოთ ყველაფერი. როგორც ნინო ამბობს, მისთვის ტურიზმი მხოლოდ ბიზნესი არაა. „ესაა საშუალება, სტუმრებს გავაცნო ჩვენი კუთხის ტრადიციები, ადათი, ყველაზე პატარა და შეუმჩნეველი დეტალები - ის, რაც სვანეთს განუმეორებელს ხდის. თუკი ჩემი სტუმარი კმაყოფილია, მეც ბედნიერი ვარ და მგონია, რომ მცირედი წვლილი მაინც შევიტანე კუთხისა და, განსაკუთრებით, ჩუბეხევის პოპულარიზაციაში“. მას შემდეგ, რაც ჩემი რჩევით ყველა კერძს დააგემოვნებთ და საძინებლებს მიაშურებთ, აუცილებლად მოგხიბლავთ ხედები ოთახებიდან და ტკბილად დაიძინებთ.



ჩვენი მთავარი თავგადასავალი კი სწორედ მეორე დილას იწყება. სოფელში მცხოვრები სამი სერტიფიცირებული გიდიდან ერთ-ერთი აუცილებლად წამოგყვებათ ალპურ ზონაში, ზღვის დონიდან დაახლოებით 2000 მეტრის სიმაღლეზე (მოდით, ჩვენი ნაცნობი გიდი, ზურა დადეშქელიანი წავიყოლოთ). სოფლიდან დანიშნულების ადგილამდე 6 კილომეტრამდე გზაა, თუმცა გზად იმდენ საინტერესო ამბავს მოისმენთ, ვერც შეამჩნევთ, ისე აღმოჩნდებით ლაკითანალზე - თითქმის მთის წვერზე. ამ ადგილიდან უამრავი მწვერვალი მოჩანს, თუმცა შეუძლებელია ყურადღება არ მიიქციოს იალბუზმა, კავკასიონის უმაღლესმა მწვერვალმა. თუ გაგვიმართლებს, ღრუბლის საფარველს მიღმა თოვლით დაფარულ იალბუზს დავინახავთ და როგორც ყველა მოგზაურს შეეფერება, უამრავ ფოტოსაც გადავიღებთ. 


ლაკითანალზე ერთი უცნაური ყვავილი ხარობს - რატომღაც სახელი არავინ იცოდა, თუმცა დანამდვილებით გვითხრეს - ამ ყვავილის ამოსვლა ზამთრის მოახლოებას ნიშნავსო. ერთი შეხედვით გაზაფხულის მახარობელს ჰგავს, არადა, თურმე სითეთრე მოჰყვება. თუმცა, გააჩნია როდის ეწვევით ლაკინათალს - ხომ ყველას გინახავთ სოციალურ ქსელებში მრავალფერი ყვავილების ფოტოები მთების ფონზე - ზუსტად ისეთი თაიგულის შეკვრა შეგეძლებათ, თანაც ფოტოს იალბუზის ფონზე გადაუღებთ (ეს რჩევა სოციალური ქსელების მოყვარულთათვის უფროა, ვინც კარგ საინსტაგრამე ადგილებს ეძებს ხოლმე).


არ ვიცი, რა ხანი დაგვჭირდება ფოტოების გადასაღებად, მაგრამ თუკი წვიმა არ მოგვისწრებს, კარგა ხანს შეგვეძლება კავკასიონისა და სვანეთის ქედების მწვერვალების ყურებით ტკბობა. თუმცა მაინც მოვა დრო, როცა ლაკითანალს დავემშვიდობებით (რა თქმა უნდა, დროებით, რადგან დაბრუნება უცილობლად მოგვინდება) და სოფლისაკენ მომავალ გზაზე კიდევ ერთხელ გადავუხვევთ მარცხნივ - ამჯერად ხეობის ერთადერთი შემორჩენილი კოშკი უნდა ვინახულოთ.


სვანეთისთვის დამახასიათებელი გზის გავლის შემდეგ, გადახვევიდან 20 წუთში მივუახლოვდებით ჯუხლანს - ადგილს, სადაც კოშკი დგას. როგორც ზურამ გვიამბო, ეს კოშკი რეჩგვიანების საგვარეულო საკუთრება ყოფილა. დადეშქელიანებთან დაპირისპირებას მთელი გვარი გაუწყვეტია. კოშკი ქალდანებს აჩუქეს დადეშქელიანებმა და მას შემდეგ ქალდანებისაა. თუმცა, ნაგებობის შესახებ არანაკლებ საინტერესოა ისიც, რომ კოშკი ქალებს გაულესავთ. მაგრამ ყველაფერს ვირტუალურად ხო არ გიამბობთ - იქ ჩასულებს ბევრად უფრო საინტერესოდ მოგიყვებიან კოშკის შესახებ მითებსა და რეალობას. ამიტომაც, ჯუხლანიც დავტოვოთ და, რადგანაც მოსაღამოვდა, სოფლისაკენ გავეშუროთ.


სანამ სასტუმრომდე მივალთ, გზად კიდევ ერთ საინტერესო შენობაზე გვიამბობენ - ქამმერდეს ქოხი ტყეში. ჩუბეხევის მოსახლეობაში გავრცელებულია ლეგენდა, რომლის მიხედვითაც ერთი შეხედვით ჩვეულებრივი სახლი ქამმერდეს, ტყის სულს ეკუთვნის და იქ დარჩენა მაშინაც არ უნდა გაბედო, თუკი წვიმამ და ქარბუქმა მოგისწრო მთაში.


ქამმერდეს შესახებ ლეგენდების მოსმენაში დრო სწრაფად გადის და, აი, ჩვენც დავბრუნდით სასტუმროში. სვანური სამზარეულო და სტუმარ-მასპინძლობა უკვე გავიცანით და აღვწერეთ. ამიტომ შემდეგ დღეზე გადავერთოთ.


აი, შემდეგ დღის დაგეგმვას კი უკვე თქვენ მოგანდობთ - წინასწარ სხვის მიერ გაწერილი მოგზაურობა ისეთ ადგილას, როგორიც ნაკრაა, მოსაბეზრებელი შეიძლება გახდეს - ამიტომ ექსპრომტად მოქმედებას გირჩევთ.


 


 


ავტორი: თინათინ ლუხუტაშვილი, ჟურნალისტი.


ფოტოგრაფი: ლაშა კუპრაშვილი.



https://digest.pia.ge/uploaded/m2b/2019-09/201909181640351498844589.jpg


 


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.