ირანში ჩამოგდებული თვითმფრინავის ტრაგედია და რუსული მედია შტურმი ახალი ქართული აქცენტით

17 თებერვალს, ირანში უკრაინული თვითმფრინავის ჩამოგდებიდან ორმოცი დღე გავიდა.

ამ დღეს, დაღუპულებს, უკრაინაში კიდევ ერთხელ მიაგეს პატივი. სამგზავრო ლაინერი თეირანის მახლობლად 8 იანვრის დილას ჩამოვარდა, მის ბორტზე 176 ადამიანი იყო, მათგან ვერც ერთი ვერ გადარჩა. თავდაპირველად, ირანის ხელისუფლებამ რაკეტის გაშვება ამ თვითმფრინავის მიმართულებით კატეგორიულად უარყო-თუმცა მას შემდეგ, როცა მთელი მსოფლიოსთვის ცხადი გახდა, თუ რამ გამოიწვია ტრაგედია, დანაშაულის ჩადენა ოფიციალურად აღიარა. ეს 11 იანვარს გააკეთეს.



მომხდარიდან სამი დღის განმავლობაში ამ ტრაგედიის ირგვლივ მრავალი განცხადება, მოსაზრება, პოზიცია თუ კითხვის ნიშანი გაჩნდა. ასევე, ეს თემა გახდა დეზინფორმაციის, მასშტაბური პროპაგანდისა და ტროლინგის დიდოსტატების-კრემლის და მისი მედია რუპორების მთავარი საკბილო. როგორც აღმოჩნდა, მათ არ ჩამორჩა არც ახლახან საქართველოს მედია სივრცეში აღმოცენებული მცირე, მაგრამ აქტიური საინფორმაციო გვერდი „ნიუს-ფრონტი“; მისი რედკოლეგია აგრეთვე ამ დეზინფორმაციული „ფრონტის“ წინა ხაზზე დადგა…


8 იანვარს მომხდარი ტრაგედიის და შემდგომი მოვლენების გაშუქების, საზოგადოებისთვის ყალბი ინფორმაციის მიწოდების, კომენტირების შოკისმომგვრელი ხერხი შეიძლება სპეციალურ სახელმძღვანელოებში შევიტანოთ-. ეს იმის საჩვენებლად თუ როგორ ცდილობს კრემლი და მისი პროპაგანდისტული მანქანა ნებისმიერ სიტუაციაში ადამიანების ტვინებზე ზეგავლენის მოხდენას. 176 უდანაშაულო ადამიანის დაღუპვა განა ისეთი რამეა, რის გამართლებაც, რით მანიპულირება არ შეიძლება?


მოდით, თვალყური მივადევნოთ ამ მედია შტურმის დამადასტურებელ ფაქტებს:


მაშინ, როცა უკრაინული „ბოინგის“ ჩამოვარდნის თაობაზე ინტერნეტში უკვე გაჩნდა ვიდეო კადრები, სადაც რაკეტის დარტყმის მომენტი ჩანს, როდესაც სადაზვერვო ინფორმაციებზე დაყრდნობით დასავლეთში უკვე გაკეთდა განცხადებები, როცა არ აღმოჩნდა თვითმფრინავის ძრავის აალების კვალი, РИА «Новости»-მ გამოაქვეყნა რუსი ექსპერტის, სამხედრო-პოლიტიკური ანალიზის ბიუროს ხელმძღვანელ ალექსანდრ მიხაილოვის ინტერვიუ სათაურით: „ირანის მონაწილეობა კატასტროფაში გამორიცხულია!“ ალექსანდრ მიხაილოვი: „რაკეტებს „Fateh-313“ არანაირად არ შეეძლოთ იმ უკრაინული ლაინერის მარშრუტის გადაკვეთა, რომელიც თეირანიდან მოფრინავდა და ნებისმიერ სპეკულაციებს ამ თემაზე არაფერი აქვს რეალობასთან“. 10 იანვარს დილით, „Комсомольская правда“-მ გამოაქვეყნა სტატია, სადაც სამხედრო ჟურნალის მთავარი რედაქტორი ვიქტორ მურახოვსკი ამბობს: „ირანულ ჰაერსაწინააღმდეგო ძალებს არანაირად არ შეეძლოთ „ბოინგი“ და უპილოტო საფრენო აპარატი ერთმანეთში არეოდათ, ეს სირიაში ათობით წარმატებული სროლით დამტკიცდა.“ ინტერვიუში ექსპერტი ასევე ამტკიცებს, რომ რუსული წარმოების ყველა საზენიტო-სარაკეტო კომპლექსი „Тор-M1“ ქალაქ ბუშერშია განთავსებული და მათი გადაადგილების შესახებ ინფორმაცია არ არსებობს.



რუსეთის „პირველი არხის“ საინფორმაციო გამოშვებებში იმ დღეს აქცენტს ირანული მხარის პოლიტიკურ პოზიციაზე აკეთებდნენ და ხაზს უსვამდნენ, რომ უკრაინის პრეზიდენტმა ზელენსკიმ თვითმფრინავის ჩამოგდების შესახებ ინფორმაცია არ დაადასტურა. არადა, კატასტროფა რამდენიმე საათის მომხდარი იყო და უკრაინის მხარე მომხდარის სრულ სურათს არ ფლობდა. ამას გარდა, ირანის აღიარებამდე, რუსულმა ტელეარხებმა საეჭვოდ მიიჩნიეს ყველა ის სამოყვარულო ვიდეო/ ფოტო და დასავლურ მედიაში გამოთქმული ნებისმიერი წყაროს განცხადებები, ირანის არმიის შემხებლობასთან დაკავშირებით.


10 იანვარს „Вести“-ს საღამოს გამოშვებაში, ირანის ბრალეულობის თაობაზე, კანადის პრემიერ-მინისტრის ჯასტინ ტრუდოს და ბრიტანეთის პრემიერის ბორის ჯონსონის უკვე ძალიან მკაფიო განცხადებებს, მორიგი „highly likely” უწოდეს; მარია ზახაროვას ამ საყვარელ, ირონიულ ფორმულირებას რუსულ მედიაში მას მერე იყენებენ, რაც ლონდონმა კრემლს სერგეი სკრიპალის მოწამლვაზე პასუხისგებლობაზე დააკისრა. სამხედრო ექსპერტი ვიქტორ მურახოვსკი ამბობს: „კანადის პრემიერი ვერ იქნება გავლენიანი ექსპერტი ჰაერ-საწინააღმდეგო ძალებისა და ავიაციის საკითხებში. ის მოლაპარაკე თავია, რომელსაც ფურცელი დაუდეს-მან ეს ფურცელი წაიკითხა“.


10-11 იანვარს ღამით, „Russia Today“-მ გამოაქვეყნა სტატია, რომელშიც „ირანის დემონიზაციის“ თაობაზე იყო გამოთქმული შეშფოთება. სტატია ეხებოდა იმას, რომ დასავლეთი თეირანს უკრაინული ბოინგის ჩამოგდებაში დაუსაბუთებლად ადანაშაულებს. ამ მასალაში არხი ეყრდნობოდა ორი ექსპერტის აზრს. მათი პათოსი შემდეგია-დამნაშავე ყველაა, ირანის გარდა. პოლიტოლოგი ალექსანდრე ასაფოვი პირდაპირ ამბობდა: „ირანის შემხებლობის შესახებ მტკიცებულებები არ არსებობს და არც იქნება“. არადა უკვე ამ დროს განცხადებები გააკეთეს როგორც დასავლელმა ლიდერებმა, ასევე უკრაინის მხარემ, სოციალურ ქსელშიც გავრცელდა ვიდეო კადრები, სადაც ნათლად ჩანდა, თუ როგორ ხვდებოდა რაკეტა მფრინავ ობიექტს და ასე შემდეგ.



11 იანვარს , როდესაც ირანის ხელისუფლებამ აღიარება გააკეთა, რადგან სხვა გზა არ ჰქონდა- რუსულ მედიაში ახალი ნარატივი გაჩნდა-შესაძლოა ეს ირანის რევოლუციური გვარდიის ოფიცრის ღალატი ან მისი მოსყიდვის შედეგი იყო. სამხედრო მიმომხილველმა ვიქტორ ბარანეცმა „Комсомолка”-ს სწორედ ასეთი აზრი მიაწოდა: „ეს შეეძლო გაკეთებინა ან ოფიცერს, რომელიც არ იზიარებდა ხელისუფლების პოლიტიკას, ან უცხო ქვეყნის დაზვერვის მიერ მოსყიდულს“.
ამას გარდა, ჟურნალისტმა სტანისლავ ნატანსონმა ირანი ღიაობის გამო პირდაპირ შეაქო, მისმა კოლეგამ ანდრეი მედვედევმა კი დიდი ეჭვი შეიტანა იმ სამოყვარულო ვიდეოს ნამდვილობასთან დაკავშირებით, რომელზეც ავია კატასტროფის მომენტი მკაფიოდ ჩანდა. წამყვანმა ანატოლი კუზიჩევმა, რომელსაც ხმაურიანი ტელე დისკუსია მიყავდა, აღნიშნა, რომ ადამიანები რობოტები არ არიან და „როდესაც ხედავ წერტილს, რომელიც მიფრინავს, უბრალოდ ხელს აჭერ ღილაკს“. აი ასეთი გამართლება მოუძებნა პირდაპირ ეთერში რუსმა ტელე ჟურნალისტმა 176 უდანაშაულო ადამიანის დაღუპვას;


 მსგავსი მაგალითების, ინტერნეტში ათასობით „ტროლის“ თუ კომენტატორის მიერ ასეთი უაპელაციო, დაუნდობელი და მავნებლური ტექსტების უთვალავი რაოდენობით ჩამოთვლა შეიძლება. რუსული მედია, ექსპერტ-პოლიტოლოგები და ყველაფრის მცოდნეები ერთ რობო-რიტმში აცხადებდნენ, რომ ბოინგი, რომელიც ერთ წამში ნამსხვრევებად იქცა, ავია დარტყმის მსხვერპლი არ იყო და ვერც იქნებოდა. ამ თეზის და შეთავსებით „დეზის“ დასამტკიცებლად 3 დღეში მათ იმდენნაირი მიზეზის თუ „ფაქტის“ წარმოდგენა მოასწრეს, ირანელებს აზრადაც რომ არ მოუვიდოდათ. ასევე, შემდეგ სინქრონულად ჩაიციკლნენ, რომ ეს იყო ადამიანური შეცდომა, ადამიანები რობოტები არ არიან, ხდება ხოლმე, მარგარიტა სიმონიანმა საერთოდ თქვა, რომ აღიარების შემდეგ „ირანი ქების ღირსია, ნამდვილი მუჟიკივით მოიქცა!“…რუსული პროპაგანდისტული მანქანის “РТ-ს მთავარმა რედაქტორმა მარგარიტამ მკვლელები აი ასე, მარტივად შეაქო და გმირების მანტიაში შემოსა.


რა თქმა უნდა, საინტერესოა რა იყო ამ ყველაფრის და მედია ისტერიკის მიზეზი? რატომ გახდნენ ამ შემთხვევაშიც რუსები „პაპზე უფრო კათოლიკეები? ბუნებრივია, ერთ-ერთი მიზეზი რუსეთ-ირანის მოკავშირეობაა და კრემლის გეოპოლიტიკური ინტერესების მღვრიე წყალი, დასავლეთისგან მტრის ხატის დახატვაც. ერთ-ერთი უმთავრესი კი სავარაუდოდ ის ფაქტია, რომ მომაკვდინებელი რაკეტები საზენიტო-სარაკეტო კომპლექს „Тор-M1“-დან იყო გამოშვებული. ეს კომპლექსი რუსული წარმოებისაა. არსებული ინფორმაციით, ირანული არმიის შეიარაღებაში, რუსეთში ნაყიდი 29 ასეთი კომპლექსია.



აუცილებლად უნდა აღინიშნოს, რომ ბოლო 6 წელიწადში ეს უკვე მეორე შემთხვევაა, როცა სამოქალაქო ლაინერი, ასობით მგზავრით ბორტზე, რუსული წარმოების რაკეტების მოხვედრის მსხვერპლი ხდება. წინა შემთხვევაში, საუბარია 2014 წლის 17 ივლისს „მალაიზიური ავიახაზების“ კუთვნილ „ბოინგზე“, რომელიც უკრაინელი სეპარატისტების კონტროლირებად ტერიტორიაზე ჩამოაგდეს. ბორტზე 298 მგზავრი და ეკიპაჟის 15 წევრი იმყოფებოდა. ვერც ერთი ვერ გადარჩა.
ეს საკითხი კი რუსული მედია ისტერიკის მეორე მიზეზი გახდა.


და ბოლოს, როგორც სტატიის დასაწყისში აღვნიშნეთ, ირანში მომხდარი ტრაგედიის გაშუქების რუსულ სახელმწიფო პროპაგანდის დღის წესრიგს ახლად აღმოცენებული, „მრავალფეროვანი“ ინტერნეტ გამოცემა „news-front”-ი არ ჩამორჩა; ეს ვები რუსული, ასეთივე „ფრონტული“ სახელწოდების პროპაგანდისტული ინტერნეტ-მანქანის ქართული რედაქციაა, რუსეთის ხელისუფლებისადმი ძალიან კეთილად განწყობილი ქართველებით არის დაკომპლექტებული. მათ მიერ 10 იანვარს გამოქვეყნებულ სტატიაში ვკითხულობთ: „კანადის პრემიერ-მინისტრი, მსოფლიოში ცნობილი გეი-ლობისტი ჯასტინ ტრიუდო, ირანის ისლამურ რესპუბლიკას ადანაშაულებს უკრაინული სამოქალაქო თვითმფრინავის ჩამოგდებაში, რომელიც 8 იანვრის დილით თეირანის აეროპორტიდან აფრინდა, მაგრამ ცეცხლმოდებული, კვლავ დაჯდომის მცდელობისას, დაიმსხვრა.“
ამავე სტატიაში წერია: „ირანის სამოქალაქო ავიაციის ორგანიზაციამ უკრაინული ლაინერის კატასტროფის გამოძიების პირველი შედეგები 9 იანვარს გამოაქვეყნა. ირანელი სპეციალისტები მიიჩნევენ, რომ ბორტზე ტექნიკური პრობლემები შეიქმნა.“


ანუ, რა გააკეთეს და- კანადის პრემიერ-მინისტრის ტრიუდოს დამაკნინებელი სახე დახატეს, ტრაგედიასთან დაკავშირებულ მასალაში მისი მომღიმარი ფოტო გამოიყენეს, მომხდარზე გამოძიება თვითონვე ჩაატარეს, დასკვნა დადეს და ირანული მხარის თავდაპირველი ვერსია აპრიორი მართებულად გამოაცხადეს. აი, ასე და ამგვარად, რუსული პროპაგანდის ნიაღვარს პატარა ნაკადით აღნიშნული ქართულენოვანი რესურსიც შეუერთდა და ალბათ კიდევ ბევრჯერ გააკეთებს იმას, რასაც სათაო ოფისში დაავალებენ. 176 უდანაშაულო ადამიანი იქნება თუ 298, რა მნიშვნელობა აქვს?


ლილე კილასონია


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.