ინფექციური საავადმყოფოს უმცროსი ექთნის ნანა ვანიშვილის ისტორია

ჯიპიაი ჰოლდინგი Covid-19-ის გავრცელების წინააღმდეგ ბრძოლაში აქტიურად ერთვება. სოციალური პასუხისმგებლობის ფარგლებში კომპანია ინფექციური საავადმყოფოს სამედიცინო პერსონალს აპრილის ანაზღაურებას გაუორმაგებს.

ბევრმა ჩვენგანმა სადეზინფექციო ხსნარები სახლისთვის პირველად იყიდა და ყოველდღიურად, დღეში რამდენჯერმეც კი სპეციალურ პროცედურებს ვუტარებთ ავეჯს, ნივთებსა თუ მაღაზიიდან მოტანილ პროდუქტს.


დეზინფექციის გაათმაგებული ზომები ჩვენს ცხოვრებაში ბოლო თვე-ნახევარია კორონავირუსის გავრცელებასთან ერთად შემოიჭრა, თუმცა, ამ მხრივ, ყოველდღიურობა უმცროსი ექთნების შემთხვევაში, დიდად არ შეცვლილა.


ინფექციური საავადმყოფოს ბოქსირებული განყოფილების უმცროსი ექთანი, ნანა ვანიშვილი, COVID-19-ის გავრცელების შემდეგ დღეში უკვე ოთხჯერ ატარებს დეზინფექციას განყოფილებაში: იატაკები, სახელურები, კედლები, კარი, კაბინეტები და, რა თქმა უნდა, პალატები სპეციალური წესით მუშავდება.


24-საათიანი მორიგეობა დროის მხრივ არ შეცვლილა, თუმცა დატვირთულობის ხარისხი ერთი ორად გაიზარდა. ადრე თუ დილა-საღამოს ევალებოდა სადეზინფექციო პროცედურების ჩატარება, თანაც სპეციალური აღჭურვილობის გარეშე, ახლა ამ საქმიანობას დღე-ღამეში 4-ჯერ ასრულებს. ამას ყველა პაციენტთან შესვლა-გამოსვლის დროს ყოველ ჯერზე რეზინის კომბინეზონისა თუ სხვა დამცავი საშუალებების გახდა-ჩაცმაც ემატება.


„მშვიდი და კარგი ძილი მენატრება, დასვენება მენატრება, თანამშრომლები მენატრებიან. დისტანციას შიგნითაც ვიცავთ. ადრე თუ მოვიკითხავდით ერთმანეთს, ახლა შორიდან ვესალმებით და მორჩა“, - ამბობს ნანა.


მისი ჩვეულებრივი ცხოვრება ოჯახშიც ძალიან შეიცვალა. ოჯახის წევრებს, ფაქტობრივად, ვეღარ ხედავს. დასვენების საათებს მარტო, ორსართულიან კერძო სახლის პირველ სართულზე ატარებს. დანარჩენები კი მეორე სართულზე არიან.


„საკუთარი ოჯახის წევრებსაც კი შორიდან ვესალმები, მაქსიმალურად ვიცავთ წესებს და ვითვალისწინებთ რეკომენდაციებს. დეიდა გარდამეცვალა, მაგრამ ვერც გასვენებაში წავედი, ვერც - პანაშვიდებზე. პანაშვიდები, ფაქტობრივად, არც ყოფილა, მაგრამ მაინც, პატივი ვერ ვეცი. მე რომ წავსულიყავი და რამე გადასდებოდა ჩემი მიზეზით ვინმეს, მე ვიქნებოდი დამნაშავე“, - გვიხსნის ნანა.


შვილებისა და მეუღლის გარდა, პატარა შვილიშვილიც ჰყავს, 8 წლის გოგონა. მარიამმა უკვე იცის, რომ საქართველოში ეპიდემიაა და თავი მაქსიმალურად უნდა დაიცვას. ამიტომაც გარეთ იშვიათად გადის. თუმცა, თუკი მაინც მოუწია გასვლა, არასოდეს ავიწყდება დამცავი ხელთათმანისა და ნიღბის მორგება.


„ჩემი შვილიშვილი ყველაზე მეტად მენატრება, მან იცის, რომ სამსახურიდან მოსულ ნანა ბებოს არ უნდა ჩაეხუტოს, შორიდან უნდა მოეფეროს, იმიტომ რომ ახლა ასეა საჭირო“, - აღნიშნავს ნანა.


თუმცა მიიჩნევს, რომ ამ ეტაპზე ჯანმრთელობა და ერთმანეთის გაფრთხილება უმნიშვნელოვანესია. ნათესავები, ახლობლები ხშირად ურეკავენ და ყველას მოთმინებით უხსნის, რომ პანიკა საჭირო არაა; რომ ერთადერთი, რაც ყველას ევალება, იზოლაციის დაცვა და ხელების ხშირი დაბანაა, რაც არცთუ ისე რთული შესასრულებელია. ასე ხომ იმიტომ ვიქცევით, რომ ეს ყველაფერი მალე დამთავრდეს.


„ყველაზე მეტად მაშინ გავბრაზდი, როცა ჭორად გავრცელდა, თითქოს ვიღაც გარდაიცვალა და ვმალავდით. არ შეიძლება ასეთი ამბების აყოლა, ისედაც დაზაფრული და შეშინებულია ხალხი“, - ამბობს ნანა.


პირველ ინფიცირებულ პაციენტსაც სწორედ მან გაუშალა პალატა. კორონავირუსიან პირს უკვე შესაბამისად აღჭურვილი და მომზადებული პერსონალი დახვდა.


„სხვათა შორის, პირველი დაინფიცირებული პირველივე გამოჯანმრთელებულიც იყო. ამიტომაც მასთან ფოტოს გადაღებაც მინდოდა, თუმცა თავად უარი თქვა“, - სიცილით იხსენებს ნანა და აღნიშნავს, რომ მისი ამბავი არასოდეს დაავიწყდება.


გარეთ უფრო მეტია პანიკა. უფრო მეტია პასუხგაუცემელი კითხვა ან, პირიქით, უპასუხისმგებლო საქციელი საზოგადოების მიმართ. შიდა სამზარეულოში კი ყოველდღიური ბრძოლა უფრო მკაფიოდ ჩანს. გუნდი თავის საქმეს მუხლჩაუხრელად ასრულებს. განყოფილების გამგე, უფროსი ექთანი, დირექტორი და მთელი მედპერსონალი - ამ ადამიანებს ნანა სათითაოდ უხდის მადლობას.


„ხშირად არ მდომებია სახლში წასვლა. მინდა, ჩემს გუნდთან ერთად ვიყო, თუმცა ნებისმიერი ჩვენგანის სახლში წასვლა და დასვენება ამ ეტაპზე ძალიან მნიშვნელოვანია“, - ამბობს ნანა.


მიუხედავად მძიმე პერიოდისა, ხალხის უმცირესი ყურადღებაც კი მთელ პერსონალს ერთნაირად აბედნიერებს. ერთმანეთის გვერდში დგომა და რიგითი მოქალაქეების ჩუმი მხარდაჭერა - სწორედ ასე დგას დღეს ფრონტის წინა ხაზზე ინფექციური საავადმყოფო.


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.