ეკა ბერიძე: საქართველოს ახლა ნამდვილად აქვს შესაძლებლობა, გახდეს შემდგარი ქვეყანა რეალიზებული ადამიანებით

რატომ არ გავრცელდა მასობრივად კოვიდი საქართველოში? - მოხდა სინერგია ხელისუფლების, ჯანდაცვის მენეჯერების, მედიკოსებისა და საქართველოს შეგნებული მოქალაქეების, - ჟურნალისტი ეკა ბერიძე სოციალურ ქსელში ვრცელ პოსტს აქვეყნებს, სადაც არგუმენტირებულად საუბრობს „კოვიდთან“ ბრძოლაში საქართველოს მიერ მიღწეულ წარმატებებზე.

ეკა ბერიძის ფეისბუკპოსტს უცვლელად გთავაზობთ.


„კოვიდთან ბრძოლის საქართველოს ფორმულა - იმარჯვებს ის, ვისთვისაც მთავარი ფასეულობა ადამიანის სიცოცხლეა.


როდესაც დეკემბრის ბოლოს ერთ-ერთი საერთაშორისო სააგენტოს ალერთი მომივიდა იმასთან დაკავშირებით, რომ ჩინეთის პროვინცია უჰანში ექიმები ახალი ვირუსის აღმოჩენის შესახებ იუწყებოდნენ, ვერც კი დავუშვი, რომ ეს ვირუსი საქართველომდე ჩამოაღწევდა. როცა ჩინეთმა სტატისტიკის გამოქვეყნება დაიწყო, სულ მიკვირდა, ამდენი ხნით სად იკარგებოდნენ დაავადებული ადამიანები, მათი რიცხვი არ მცირდებოდა, თუმცა უხვად ემატებოდნენ ახალი ინფიცირებულები და გარდაცვლილები. გამოჯანმრთელებულთა რაოდენობა ნელი ტემპით მატულობდა.


როცა „კოვიდ 19“-მა გავრცელება სხვა ქვეყნებშიც დაიწყო და გასაგები გახდა, რომ ის აუცილებლად ჩამოაღწევდა ჩვენთან, გულწრფელად მეგონა, რომ ჩვენი ქვეყანა ამ ვირუსს ვერ გადაიტანდა, რადგან თვალსაჩინო იყო, როგორ ჩამოიშალა ჰიპერგანვითარებული სახელმწიფოების ჯანდაცვის სისტემები. ბოდიშს ვიხდი, რომ ასე მეგონა. ბოდიშს ვუხდი ყველა იმ ადამიანს, ვისმა გონიერებამ, ცოდნამ, გამოცდილებამ, თავდადებამ ჩვენი ქვეყანა აქცია ერთ-ერთ გამონაკლისად, რომელმაც ძალიან სწრაფად, ძალიან ეფექტიანად და უმცირესი მსხვერპლით აჯობა ვირუსს, ყოველ შემთხვევაში ამ ეტაპზე. თუმცა ეს ადამიანები არ მიიჩნევენ, რომ გაიმარჯვეს, განსხვავებით, მაგალითად, ახალი ზელანდიისგან, სადაც ოფიციალურად გამოაცხადეს გამარჯვება, თუმცა სწორედ იმ დღეს დაემატათ 4 ინფიცირებული. დღეს მათი სტატისტიკა ასეთია - მოსახლეობის რაოდენობა 4 მილიონ 900-მდე, ინფიცირებულების საერთო რაოდენობა 1504, 22 გარდაცვლილი, 1481 გამოჯანმრთელებული.


საქართველოს კოვიდ სურათი ამჟამად ასე გამოიყურება - მოსახლეობა 3 მილიონ 989, ინფიცირებულების საერთო რაოდენობა 801, გარდაცვლილი 13, გამოჯანმრთელებული650, დღეს დაგვემატა 4 ინფიცირებული, გუშინ მხოლოდ 1. სამწუხაროდ უფრო მეტი, საქართველოს 16 მოქალაქე გარდაიცვალა საზღვარგარეთ.


ახალი ზელანდიის პრემიერი ამ ვითარებაში გამარჯვებას ზეიმობს, ჩვენი პრემიერი ამბობს, რომ პანდემია საქართველოში, ისევე, როგორც გლობალურად, არ არის დამარცხებული.


რადგან ყველაფერი შედარებითია, მოდით, შევადაროთ ვითარება საქართველოში ვითარებას ჩვენს მოსაზღვრე ქვეყნებში - რუსეთი 441 108 ინფიცირებული, 5 384 გარდაცვლილი, თურქეთი 167 410 ინფიცირებული, 4 630 გარდაცვლილი; 9 მილიონ 981 მოსახლიანი აზერბაიჯანი - 6 522 ინფიცირებული, 78 გარდაცვლილი, გუშინ აზერბაიჯანში კიდევ მეტად გამკაცრდა საკარანტინე რეჟიმი, 2 მილიონ 965 მოსახლიანი სომხეთი - 11 221 ინფიცირებული, 176 გარდაცვლილი.


იმ წუთიდან, როცა ქვეყანაში პირველი კოვიდ შემთხვევა დაფიქსირდა, ჩვენ, საქართველოს მოქალაქეებს, ყოველდღიურ რეჟიმში ანგარიშს გვაბარებდნენ - საქართველოს პრემიერი, ჯანდაცვის მინისტრი, დაავადებათა კონტროლის ცენტრის ხელმძღვანელები, კოვიდთან ბრძოლაში ჩართული კლინიკების ექიმები. 26 თებერვლიდან დღემდე, 5 ივნისამდე, ჩვენ ზუსტად ვიცით, სად დაავადდნენ კოვიდ ინფიცირებულები, რამდენი ადამიანია თითოეულ კლასტერში, რომელ კლინიკაში როგორ გრძნობენ თავს დაავადებულები, ზუსტად ვიცით ყველა დეტალი. არცერთ ქვეყანაში, მათ შორის ჩვენზე მცირე ქვეყნებში, ასეთი ინფორმაცია მოქალაქეებს არ გააჩნიათ. გადამოწმებული მაქვს, მაგალითად, 625 ათას 978 მოსახლიანი ლუქსემბურგის მაგალითზე, სადაც 4 024 ინფიცირებული და 110 დაღუპულია. ლუქსემბურგი, ცნობისთვის, ერთ-ერთი ყველაზე მდიდარი ქვეყანაა მთლიანი შიდა პროდუქტით ერთ სულ მოსახლეზე.


პანდემიამ, რომელიც ჯერ კიდევ არ დასრულებულა და ბევრ ქვეყანაში ისევ პიკია, სააშკარაოზე გამოიტანა ყალბი და რეალური პრიორიტეტები. ასევე, აღმოჩნდა, რომ ასეთი ტიპის კრიზისში, მთავარი არ არის, იყო მეგასახელმწიფო, მთავარი არ არის, იყო ყველაზე მდიდარი, მთავარი არ არის, იყო ბირთვული ქვეყანა, მთავარი არ არის, კარნახობდე შენს წესებს მსოფლიოს - მთავარია იყო ჰუმანური, იყო გონიერი, მთავარია გააცნობიერო კრიზისი, არ მოიტყუო თავი და არ მოატყუო ხალხი, რისი მცდელობაც არაერთი ქვეყნის მთავრობას ჰქონდა. მთავარია, სასწორზე არ დადო ადამიანის სიცოცხლე, თუნდაც ამ ხალხისთვის სასიცოცხლოდ აუცილებელი ეკონომიკის საპირწონედ, მით უმეტეს, რომ ეკონომიკური მდგომარეობის გაუარესება „კოვიდ 19“-ით გამოწვეული კრიზისის გამო, მაინც გარდაუვალია. დღეისთვის აღიარებულია, რომ არცერთ ქვეყანაში არ გაამართლა ე.წ. ჯოგური იმუნიტეტის იდეამ, არც ბრიტანეთში, რომლის პრემიერმაც ამ იდეის შედეგი საკუთარ თავზე გამოსცადა და არც კარგად ორგანიზებულ შვედეთში, სადაც მინიმალური შეზღუდვების ფონზე იმუნიტეტი მოსახლეობის მინიმუმმა გამოიმუშავა, როცა მხოლოდ დღეს იქ 20 ადამიანი დაიღუპა, ჯამში კი - 4562. გუშინ, 4 ივნისს შვედეთის მთავარმა ეპიდემიოლოგმა, ანდერს ტეგნელმა, აღიარა, რომ მათი სტრატეგია შეცდომა იყო და მოვლენების უკან დაბრუნების შემთხვევაში სხვა გზას აირჩევდა.


რამ გადაგვარჩინა? რატომ არ გავრცელდა მასობრივად კოვიდი საქართველოში? რატომ არ დაგვეღუპა არცერთი ადამიანი, რომელიც არ მიეკუთვნებოდა რისკ ჯგუფს? რატომ არ გავრცელდა „კოვიდ 19“ პენიტენციურ დაწესებულებებსა და მოხუცებულთა სახლებში? რატომ გადარჩა ბევრი ისეთი ინფიცირებული, რომელსაც ასაკთან ერთად არაერთი ქრონიკული დაავადება აწუხებდა?


მოხდა სინერგია ხელისუფლების, ჯანდაცვის მენეჯერების, მედიკოსებისა და საქართველოს შეგნებული მოქალაქეების. პირადად პრემიერმა, ჯანდაცვის მინისტრმა და მთავრობამ ოპტიმალური ოპერატიულობით მიიღეს აუცილებელი ზომები - დაწყებული ფრენების შეზღუდვით, დასრულებული კარანტინის ყველა აუცილებელი ეტაპით. ისეთი პროფესიონალები, როგორებიც არიან ამირან გამყრელიძე, პაატა იმნაძე, ხათუნა ზახაშვილი, ფასდაუდებელი პროფესიონალიზმით იკვლევდნენ და იკვლევენ თითოეულ შემთხვევას, თავისი კლასტერებით და კონტაქტებით და ანგარიშს გვაბარებენ სრული პასუხისმგებლობით, ყოველდღიურ რეჟიმში, დაუმსახურებელი საყვედურების და მასობრივ ტესტირებაზე არაადეკვატური შენიშვნების ფონზე. მოხდა სინერგია ისეთ მედიკოსებთან, როგორებიც არიან თენგიზ ცერცვაძე, მარინა ეზუგბაია, ლევან რატიანი, მარინა ენდელაძე და ყველა მათ გვერდით მდგომი ექიმი, მედდა და სანიტარი, რომლებიც თავდაუზოგავად იბრძვიან თითოეული პაციენტის სიცოცხლის გადასარჩენად და იბრძვიან დიდი წარმატებით, მიუხედავად ასევე დაუმსახურებელი საყვედურებისა მათი მკურნალობის მეთოდებთან დაკავშირებით, თან იმ ადამიანების მხრიდან, რომლებსაც სხვა ადამიანების სიცოცხლეზე მეტად, დრამატული განცდა აქვთ დღემდე, როგორ დაუშალეს, მაგალითად, მანქანაში ოჯახის წევრების გვერდით დაჯდომა. ეს იყო მათთვის ტრაგედია, როცა სხვა ქვეყნებში ასები და ზოგან ათასები იღუპებოდნენ და იღუპებიან დღემდე ყოველდღიურად.


თუმცა, საბედნიეროდ, ასეთი მოქალაქეების რიცხვი არ არის კრიტიკული, მეტნი ვართ ისეთები, ვინც კარგად გააცნობიერა არსებული საფრთხე და სრული შეგნებით აღიქვა კრიზისი. ასეთებს კარგად ესმით, რომ თითოეული ღონისძიება სწორედ მათი სიცოცხლის გადასარჩენად იყო გატარებული და შედეგიც სახეზეა. ცალკე უნდა აღვნიშნოთ ლუგარის ლაბორატორიის როლი, რომლის თანამშრომლები თებერვლიდან დღემდე საგანგებო რეჟიმში მუშაობენ და სწორედ მათმა თავდადებამ მისცა მედიცინის პროფესიონალებს კრიზისის ასე ეფექტიანად მართვის საშუალება.


კოვიდით დაავადებული ადამიანის გამოჯანმრთელებას ესაჭიროება ხანგრძლივი დრო, რაც დაავადებულთა სწრაფი მატების შემთხვევაში კრიტიკულად ტვირთავს სამედიცინო სისტემას, სწორედ ამ პრობლემას გადაგვარჩინა პროფესიონალურმა მენეჯმენტმა ყველა რგოლში და ამ რგოლების სწორმა ურთიერთქმედებამ.


არსებული რეალობა გვაჩვენებს, რომ „კოვიდ 19“-თან აგებს შეუპოვრობა, თავის მოტყუება, არაკვალიფიციური მიდგომა. ამ დაავადებას სწორად მხოლოდ მისი არსებობის აღიარებით, გონიერებითა და კვალიფიციური მიდგომით შეიძლება აჯობო. იმარჯვებს ის, ვისთვისაც მთავარი ფასეულობა ადამიანის სიცოცხლეა.


პანდემიის გამო დავკარგეთ რამდენიმე ადამიანის სიცოცხლე, გაგვიუარესდა ეკონომიკური მაჩვენებლები, ისევე, როგორც სხვა ქვეყნებს, თუმცა სხვებზე სწრაფად
ვუბრუნდებით ცხოვრების მეტ-ნაკლებად ნორმალურ რეჟიმს.


მსოფლიო რესტარტის რეჟიმშია, პანდემიამ სხვა შეუქცევადი პროცესები გამოიწვია. სასტარტო პირობები მკვეთრად შეცვლილია. თუ ქვეყნის მართვა იმ უნარებით გაგრძელდება, როგორც ეს კრიზისის რეჟიმში ხდებოდა, საქართველოს ახლა ნამდვილად აქვს შესაძლებლობა, გახდეს შემდგარი ქვეყანა რეალიზებული ადამიანებით“, - წერს ეკა ბერიძე. 


5 მარტს სემეკმა ელექტროენერგიის, ბუნებრივი გაზისა და სასმელი წყლის მომხმარებლებს 85 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 5 მარტის საჯარო სხდომაზე ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

“იბერიას” საქმეზე ადეიშვილისა და მისი ყოფილი მოადგილის მიმართ გამამტყუნებელ განაჩენზე პროკურატურა განცხადებას ავრცელებს

ტელეკომპანია „იბერია ტვ-ს” სამაუწყებლო ლიცენზიის იძულებით დათმობის ფაქტზე, საქართველოს ყოფილი გენერალური პროკურორის, ზურაბ ადეიშვილისა და გენერალური პროკურორის ყოფილი მოადგილის, გიორგი ლაცაბიძის მიმართ თბილისის საქალაქო სასამართლომ გამამტყუნებელი განაჩენი დაადგინა.

დისტანციური სესიები ინოვაციებისა და ტექნოლოგიების მიმართულებით

GITA-მ და BTU-მ ახალი პროექტი წარადგინეს.

ყოველდღიური ანალიტიკა — სიახლე თიბისის ბიზნეს ინტერნეტ ბანკში

თიბისი ბანკი იურიდიული პირებისთვის განკუთვნილ ინტერნეტ ბანკში ახალ, მნიშვნელოვან ფუნქციონალს — ბიზნეს ანალიტიკას ამატებს.

წინა ხელისუფლების დროს ჩამორთმეული ფიროსმანის ნახატი მესაკუთრეს დაუბრუნდა – პროკურატურა განცხადებას ავრცელებს

საქართველოს შინაგან საქმეთა სამინისტროს კრიმინალური პოლიციის დეპარტამენტის მეორე სამმართველოში გამოძიება სისხლის სამართლის N009271011001 საქმეზე, დ.ა.-ს მიერ წინასწარი შეცნობით დანაშაულებრივი გზით მოპოვებული, ნ. ფიროსმანაშვილის ფერწერული ტილოს შეძენისა და გასაღების მცდელობის ფაქტზე, საქართველოს სისხლის სამართლის კოდექსის 186-ე მუხლის მე-2 ნაწილის „დ“ ქვეპუნქტითა და 19,186-ე მუხლის მე-2 ნაწილის „დ“ ქვეპუნქტით გათვალისწინებული დანაშაულის ნიშნებით დაიწყო.

მკვლელობა თავში ნაჯახის ჩარტყმით და ძარცვა – ბრალდებულს 10 წელი მიესაჯა

ახალციხის რაიონულმა სასამართლომ განზრახ მკვლელობისთვის, ძარცვისა და სხვისი ნივთის განზრახ დაზიანებისთვის ბრალდებული ნ.მ. დამნაშავედ ცნო და თავისუფლების 10 წლით აღკვეთა მიუსაჯა. ამის შესახებ ინფორმაციას საქართველოს გენერალური პროკურატურა ავრცელებს.

თიბისის მხარდაჭერით, ბათუმში Marriot-ის ბრენდის 5-ვარსკვლავიანი სასტუმრო - Le Méridien გაიხსნა

შავი ზღვის სანაპიროზე სასტუმროების ცნობილ ბრენდებს Marriot-ის ბრენდის 5-ვარსკვლავიანი სასტუმრო - Le Méridien დაემატება. “ბათუმი თაუერი“, რომელიც რეგიონში უმაღლესი კატეგორიის ბრენდს წარმოადგენს, თიბისის მხარდაჭერით გაიხსნა.

თიბისი მომხმარებლებს ურჩევს, ისარგებლონ დისტანციური მომსახურებითა და უნაღდო გადახდებით

თიბისი გირჩევთ უნაღდო გადახდების საშუალებებს, რომ თავიდან აიცილოთ ნაღდ ანგარიშსწორებასთან დაკავშირებული რისკები:

„ჯორჯიან მანგანეზი“ სალიცენზიო არეალში მიწების მითვისებაზე განცხადებას ავრცელებს

ბოლო რამდენიმე თვეა, სისტემატური ხასიათი მიიღო პრაქტიკამ, როდესაც, „ჯორჯიან მანგანეზის“ ლიცენზიით განსაზღვრულ ტერიტორიებზე, მოპოვებითი სამუშაოების დაწყებისთანავე ხდება მიმდებარე მიწის ნაკვეთების კერძო პირებზე დარეგისტრირება და შემდეგ მათი მესაკუთრეების მხრიდან ზარალის ანაზღაურების მოთხოვნა.

 

„სოკარის“ შანსი, დაესწარით ევრო 2020-ის გახსნას რომში – კომპანიამ გათამაშება დაიწყო

„სოკარმა“ 2020 წელი უამრავი სიახლით დაიწყო და მომხმარებელს სიურპრიზები შესთავაზა.

ირაკლი შოთაძე ლონდა თოლორაიას შეხვდა და სახელმწიფო ინსპექტორის სამსახურის საქმიანობას გაეცნო

საქართველოს გენერალურ პროკურატურაში გენერალური პროკურორის ირაკლი შოთაძისა და სახელმწიფო ინსპექტორის ლონდა თოლორაიას შეხვედრა გაიმართა.

"არემჯის" საერთაშორისო ჯილდო Leader Of The Year გადაეცა

შვეიცარიის სარეიტინგო ასოციაციისა და საქართველოს ნაციონალური ბიზნეს რეიტინგების კავშირის, რიგით მე-8 დაჯილდოებაზე „არემჯის“-Leader Of The Year საერთაშორისო ჯილდო გადაეცა. ამის შესახებ „ინტერპრესნიუსს“ კომპანიიდან აცნობეს.

იშვიათი დაავადებების მსოფლიო დღე საქართველოშიც აღნიშნეს

თებერვლის ბოლოს მსოფლიომ იშვიათი დაავადებების დღე აღნიშნა, რომელსაც საქართველო წელსაც შეუერთდა.

სასამართლომ, ჭიათურაში სახელმწიფო ქონების მითვისებისთვის დაკავებულთა აღკვეთის ღონისძიებაზე იმსჯელა

ქუთაისის საქალაქო სასამართლომ სახელმწიფო ქონების უკანონო მითვისების ბრალდებით დაკავებულების აღკვეთის ღონისძიებაზე იმსჯელა.

29 თებერვალს საქართველო იშვიათი დაავადებების მსოფლიო დღეს აღნიშნავს

გენეტიკური და იშვიათი დაავადებების საქართველოს ფონდი (GeRaD) 2020 წლის პრიორიტეტად სპინალურ კუნთოვან ატროფია (სკა) ასახელებს.

სემეკმა ელექტროენერგიის, ბუნებრივი გაზისა და სასმელი წყლის მომხმარებლებს მიმდინარე კვირაში 21 ათას ლარზე მეტი ჩამოაწერა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) მიმდინარე კვირაში ელექტროენერგიის, ბუნებრივი გაზის, სასმელი წყლის მომხმარებლებსა და კომუნალური მომსახურების კომპანიებს შორის არსებული სადავო საკითხები განიხილა.

დავით ნარმანია საერთაშორისო ენერგეტიკულ შეხვედრაზე პრეზენტაციით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანიამ ქ. ვენაში გამართულ საერთაშორისო ენერგეტიკულ შეხვედრაში მიიღო მონაწილეობა.

 

ეთერ შავლიძესთან შეძენილმა ბილეთმა ერთს 1 182 454, მეორეს კი 14 280 ლარი მოაგებინა

გაიცანით, საქართველოში ლატარიის ყველაზე იღბლიანი მეჯიხურე, რომელთან ნაყიდი ბილეთებითაც 2 კვირის მანძილზე ლოტო 6/42-ში ჯეკპოტი 1 182 454 ლარი და 14 280 ლარი მოიგეს.

„ევროპაბეთის“ შემდეგ აზარტული თამაშების ბიზნესი გარე რეკლამაზე უარს ამბობს

აზარტული თამაშების კომპანიებმა საქართველოში უპრეცედენტო გადაწყვეტილება მიიღეს - პირველი მარტიდან თამაშების ყველა კომპანია გარე-რეკლამაზე უარს ამბობს. ბანერების ჩამოხსნა მთელი საქართველოს მასშტაბით უკვე დაწყებულია.

„თიბისი ბანკმა“ ბიზნესსექტორს წლიური ანგარიში წარუდგინა

თიბისი ბანკმა წლიური შეხვედრა ჩაატარა, სადაც კომპანიის 2019 წლის მიღწევები და შედეგები, ასევე განვითარების სტრატეგია და სამომავლო გეგმები წარადგინა. შეხვედრას ბიზნესსექტორის, მთავრობის, დიპლომატიური კორპუსის, საერთაშორისო ფინანსური ინსტიტუტებისა და ბიზნესასოციაციების წარმომადგენლები ესწრებოდნენ.

საქართველოს გენერალურ პროკურატურაში აშშ-ის ჯორჯიის შტატის ადვოკატთა ასოციაციის წარმომადგენლებთან შეხვედრა გაიმართა

საქართველოს გენერალურმა პროკურატურამ აშშ-ის ჯორჯიის შტატის სისხლის სამართლის ადვოკატთა ასოციაციის ადვოკატებს უმასპინძლა.